სიახლეების გამოწერა

დმანისში მიუსაფარი ცხოველების სტერილიზაცია, კასტრაცია და ვაქცინაცია დაიწყო

საქართველოს მთავრობის 2026 წლის 25 თებერვლის №412 განკარგულების საფუძველზე, ქალაქ დმანისში უმეთვალყურეოდ დარჩენილი ცხოველების სტერილიზაცია, კასტრაცია და ვაქცინაცია დაიწყო.

აღნიშნული პროცესის დაწყებამდე, დმანისის მუნიციპალიტეტის მერი კობა მურადაშვილი და საკრებულოს თავმჯდომარე პაატა ყულიაშვილი ადგილობრივ ცხოველთა დამცველებს შეხვდნენ, რომლებიც ყოველდღიურ რეჟიმში ზრუნავენ მიუსაფარ ბინადრებზე. სწორედ მათთან კონსულტაციისა და სამომავლო გეგმების შეჯერების შემდეგ მიეცა მსვლელობა დაგეგმილ ღონისძიებებს.

მიუსაფარი ცხოველების სტერილიზაცია-კასტრაციისა და ვაქცინაციის პროცესს, ცხოველთა მიმართ ჰუმანური მოპყრობის წესების სრული დაცვით, სურსათის ეროვნული სააგენტოს თანამშრომლები ატარებენ.

აღნიშნული პროგრამა მიზნად ისახავს როგორც მიუსაფარი ბინადრების ჯანმრთელობაზე ზრუნვას, ისე ადგილობრივი მოსახლეობის უსაფრთხოების უზრუნველყოფას.