სიახლეების გამოწერა

მიმდინარე წლის 30 ივლისს, ქვემო ქართლში სახელმწიფო რწმუნებულ- გუბერნატორი პაატა ხიზანაშვილი დმანისის მუნიციპალიტეტს ესტუმრა. რეგიონის გუბერნატორმა, გარემოსა და ბუნებრივი რესურსების დაცვის მინისტრის მოადგილე ბესარიონ აბაშიძესა და ეროვნული სატყეო სააგენტოს ხელმძღვანელ თორნიკე გვაზავასთან ერთად, დაათვალიერა, თუ როგორ მიმდინარეობს 100-მეტრიანი სატყეო-სამეურნეო გზის მოწყობის პროცესი დმანისის სატყეო უბანში. ქვემო ქართლის რეგიონის მასშტაბით,სატყეო დეპარტამენტი აქტიურად ახორციელებს სატყეო გზების გაყვანასა და უკვე არსებულის რეაბილიტაციას. პროცესი დმანისში უშუალოდ ქვემო ქართლის გუბერნატორის მხარდაჭერით მიმდინარეობს. აღსანიშნავია, რომ გზის გაყვანის სამუშაოებისთვის საჭირო ტექნიკა მუნიციპალიტეტს სამხარეო ადმინისტრაციამ გადასცა.

დმანისის მუნიციპალიტეტის თვითმმართველობის და სამედიცინო კლინიკა ,,პროფესორი"-ს ერთობლივი ორგანიზებით მიმდინარე წლის 4 აგვისტოს სოფელ გომარეთის მოსახლეობას უფასო სამედიცინო კონსულტაცია-გამოკვლევები ჩაუტარდა შემდეგი მიმართულებით: ბავშვთა რეაბილიტაცია - ვოიტათერაპევტის კონსულტაცია, მეან გინეკოლოგის, რეპროდუქტოლოგის, დერმატო ვენეროლოგის კონსულტაცია. ადგილზე იმყოფებოდა კლინიკა ,,პროფესორი"-ს გენერალური დირექტორი ნინო იმერლიშვილი. დმანისის მუნიციპალიტეტის ჯანდაცვისა და სოციალური სამსახურის უფროსმა მეგი ედიბერიძემ ახალშობილებს პირადად გადასცა სიმბოლური საჩუქრები. ,,ის პაციენტები, რომლებსაც ადგილზე გამოკვლევის შედეგად გამოუვლინდებათ სხვადასხვა სახის დაავადებები, შემდგომში მკურნალობას სურვილის მიხედვით გააგრძელებენ კლინიკა ,,პროფესორში", რომელიც მარნეულის მუნიციპალიტეტში მომხმარებელს სთავაზობს ისეთ სერვისებს, როგორიცაა უნაყოფობის მკურნალობა, IVF პრეინვიტრო, ოზონოთერაპია, ფიზიო პროცედურები, ტალახით მკურნალობა, ქიმიოთერაპია, გეგმიური ამბულატორია და სხვა" ისაუბრა მეგი ედიბერიძემ.

ქვემო ქართლის სოციალური მომსახურების სამხარეო ცენტრის უფროსის მოვალეობის შემსრულებელმა ბესიკ ტეფნაძემ დეტალურად ისაუბრა ოჯახების სოციალურ-ეკონომიკური მდგომარეობის შეფასების მეთოდოლოგიისა და სოციალურად დაუცველთათვის საარსებო შემწეობის დანიშვნის საკითხის შესახებ. ამავე თათბირზე მხარისა და მუნიციპალიტეტების ხელმძღვანელი პირების წინაშე მოხსენებით წარდგა ქვემო ქართლის სატყეო სამსახურის უფროსი ეზეკი ინწკირველი-ჩხეიძე, რომელმაც მუნიციპალიტეტებში არსებული მდგომარეობა მიმოიხილა. მხარეებმა იმსჯელეს ამ სფეროში არსებული პრობლემების გადაჭრისთვის აუცილებელ ერთობლივ სამომავლო ღონისძიებებზე. საქართველოს გაერთიანებული სამელიორაციო სისტემების კომპანიის ქვემოქართლის რეგიონის დირექტორმა ვახტანგ გარდაფხაძემ ისაუბრა რეგიონში არსებული სამელიორაციო ინფრასტრუქტურის მდგომარეობაზე, მიმდინარე და დაგეგმილ პროექტებზე. გუბერნატორმა და მუნიციპალიტეტების გამგებლებმა დეტალურად განიხილეს რეგიონის მასშტაბით უკვე განხორციელებული და სამომავლოდ დაგეგმილი პრიორიტეტული ინფრასტრუქტურული პროექტები, ისაუბრეს გამოვლენილ ხარვეზებზე და დასახეს მათი მოგვარების გზები.

მიმდინარე წლის 11 აგვისტოს დმანისის მუნიციპალიტეტის ,,ქალთა ოთახში“ ვიზიტად იმყოფებოდნენ ააიპ ,,კულტურისა და ხელოვნების ცენტრის“ ხალხური რეწვის (ქარგვა, ქსოვა, თექა) მოსწავლეები პედაგოგთან ერთად. ,,ქალთა ოთახის“ თანამშრომელმა მოწვეულ სტუმრებს კიდევ ერთხელ გააცნო ქალთა ოთახის“ სერვისები და დეტალურად გაიარა საკითხების ჩამონათვალი პროგრამა ,,ჰორიზონტის გაფართოება: გაუმჯობესებული არჩევანი ქალებისა და გოგონების განვითარებისათვის" - მიზანს წარმოადგენს საგანმანათლებლო, პროფესიულ და ეკონომიკურ შესაძლებლობებში ქალებისა და გოგონების ჩართულობისა და სარგებლის მიღების გაზრდა". მოსწავლეებს შორის გაიმართა დისკუსია. ისაუბრეს ქართული თექის წარმოების ისტორიაზე, ტექნოლოგიებზე და გამოყენების მრავალმხრივ დანიშნულებაზე. ,,ააიპ დმანისის კულტურისა და ხელოვნების ცენტრში 2011 წლიდან მუშაობს ხალხური რეწვის წრე, წრე განსაზღვრულია სასკოლო ასაკის ბავშვებისათვის. ხელოვნების ეს დარგი მოთხოვნადი გახდა დღევანდელ საქართველოში, შესაბამისად ვცდილობთ ხშირად მივიღოთ მონაწილეობა ადგილობრივ თუ გასვლით ღონისძიებებში ჩვენი გამოფენით. ბავშვებთან მუშაობა საინტერესოა, ისინი ძალიან ენერგიულები და საყვარლები არიან, მე მიყვარს მათთან მუშაობა" - ისაუბრა წრის პედაგოგმა ლამზირა სიმონიშვილმა. შეხვედრის მიზანს წარმოადგენდა ის, რომ თანამედროვე ბავშვებს შევაყვაროთ ხალხური რეწვა და გავაღრმაოთ მათში ინტერესი.

,,დმანისის მუნიციპალიტეტში მიმდინარეობს სოფელ ბოსლებისა და აზკაკლიანის მისასვლელი გზის მოასფალტება, რომელსაც ახორციელებს ტენდერში გამარჯვებული კომპანია შპს N2 საგზაო საექსპლუატაციო სამმართველო. სამუშაოს მიმდინარეობის პროცესი მოწმდება სისტემატიურად ინფრასტრუქტურისა და ეკონომიკური განვითარების სამსახურის მიერ, სამუშაოები მიმდინარეობს პროექტის შესაბამისად და კალენდარული გრაფიკის მიხედვით, გზის მოასფალტება დასრულდება თვის ბოლოს“ - ისაუბრა ინფრასტრუქტურისა და ეკონომიკის განვითარების სამსახურის უფროსმა – თეიმურაზ თეთრაძემ.

მიმდინარე წლის 18 აგვისტოს მარნეულის მუნიციპალიტეტის საკონფერენციო დარბაზში, ციფრულ მაუწყებლობაზე გადასვლასთან დაკავშირებით საინფორმაციო შეხვედრა გაიმართა. რეფორმის პროცესში ჩართულმა მხარეებმა ადგილობრივ მოსახლეობას, ციფრულ მიწისზედა მაუწყებლობაზე გადასვლასთან დაკავშირებით დეტალური ინფორმაცია მიაწოდა.

მიმდინარე წლის 19 აგვისტოს საქართველოს მთავრობის 2015 წლის 30 მარტის N138 დადგენილების ,,სოციალური რეაბილიტაციისა და ბავშვზე ზრუნვის 2015 წლის სახელმწიფო პროგრამის დამტკიცების შესახებ" მოთხოვნათა შესაბამისად ,,კრიზისულ მდგომარეობაში მყოფი ბავშვიანი ოჯახების გადაუდებელი დახმარების ქვეპროგრამის" ფარგლებში დმანისის მუნიციპალიტეტის სოფლებში: გუგუთში, ირგანჩაიში და ბაზაქლოში საქართველოს შრომის, ჯანმრთელობისა და სოციალური დაცვის სამინისტროს 2014 წლის 22 მაისის N01-122/ო ბრძანებით შექმნილი კომისიის გადაწყვეტილებით დამატებით შერჩეულ ქვეპროგრამის სამიზნე ახალ ოჯახებს გადაეცა გადაუდებელი, პირველადი დახმარებისათვის საჭირო ნივთები. ,,კრიზისულ მდგომარეობაში მყოფი ბავშვიანი ოჯახების გადაუდებელი დახმარების ქვეპროგრამის" ამოცანაა სიღატაკეში მყოფი ბავშვიანი ოჯახების გადაუდებელი პირველადი საჭიროებების დაკმაყოფილება და ბავშვის მიტოვების რისკის შემცირება. ქვეპროგრამის ღონისძიებები მოიცავს სამიზნე ჯგუფებისათვის გადაუდებელი პირველადი საჭიროებების დაკმაყოფილების მიზნით საქონლის/მომსახურების შესყიდვას და გადაცემას, სამიზნე ჯგუფებს წარმოადგენს სიღატაკეში მყოფი ბავშვიანი ოჯახები, რომლებიც საჭიროებენ გადაუდებელ პირველად დახმარებას"-ისაუბრა სსიპ სოციალური მომსახურების სააგენტოს დმანისის რაიონული განყოფილების იურისტმა ლაშა ქურდაძემ. ნივთების გადაცემას ესწრებოდა დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის წამყვანი სპეციალისტი ვეტერანთა საკითხებში-გოჩა დევდარიანი.

,,ჩვენ სხვადასხვა სამთავრობო თუ არასამთავრობო სექტორთან თანამშრომლობის შედეგად, პერიოდულად ვახდენთ ჩვენს მუნიციპალიტეტში მცხოვრები განსაკუთრებული საჭიროების მქონე პირთა დამხმარე ეტლებით უზრუნველყოფას. დღეს გვქონდა მორიგი აქცია, რომლიც ეტაპობრივად გაგრძელდება" , - განაცხადა დმანისის მუნიციპალიტეტის გამგებელმა გოგი ბარბაქაძემ. 

აღნიშნული ეტლების უზრუნველყოფას ახდენს საერთაშორისო ასოციაცია ,,საქართველოს ქალები მშვიდობისა და სიცოცხლისათვის“.

დმანისის მუნიციპალიტეტის გამგებელი გოგი ბარბაქაძე არასამთავრობო ორგანიზაციების წარმომადგენლებს, კომპეტენციის ფარგლებში, მუნიციპალიტეტში პროექტების განხორციელების პროცესში დახმარებას დაპირდა. შეხვედრას ესწრებოდა დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის უფროსი - მეგი ედიბერიძე.

სოციალურ-საგანმანათლებლო პროექტ ,,ეტალონის" შემოქმედებითი გუნდი, წამყვანთან, გოჩა ტყეშელაშვილთან ერთად დმანისს ესტუმრა. 
ეროვნული ინტელექტ-ჩემპიონატი 7 თებერვალს დმანისის საგანმანათლებლო ცენტრში გაიმართა.
ინტელექტ-შეჯიბრში დმანისის სკოლებიდან გამორჩეული ახალგაზრდები მონაწილეობდნენ.

გოგი ბარბაქაძე - დმანისის მუნიციპალიტეტის გამგებელი

 - საქართველოს მუნიციპალური განვითარების ფონდის, ევროპის რეკონსტრუქციისა და განვითარების ბანკის ფინანსური მხარდაჭერით, დმანისის მუნიციპალიტეტის მოსახლეობას ახალი კომპაკტორიანი შვიდი კუბური მეტრი ტევადობის ნაგავმზიდი მოემსახურება, რაც ხელს შეუწყობს დასუფთავების სამუშაოების ეფექტურ შესრულებას.

1 თებერვალს ქვემო ქართლის სახელმწიფო რწმუნებულ-გუბერნატორის ადმინისტრაციაში მორიგი საკონსულტაციო საბჭოს სხდომა გაიმართა, რომელსაც ტრადიციისამებრ მხარის გუბერნატორი, პაატა ხიზანაშვილი უძღვებოდა.

განხილულ საკითხთა შორის იყო მიმდინარე წლის რეგიონული პროექტები და მუნიციპალიტეტებში დასუფთავების მასშტაბური აქციების დაგეგმვა-ორგანიზება.