შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 2015-06-22
| მიმდინარე წლის 22 ივნისს დმანისის მუნიციპალიტეტში ,,ასოციაცია მრავალეროვანი საქართველოს ქალები" - რომლის დონორი ორგანიზაციაც არის ,,ქალთა ფონდი" ჩაატარა ტრენინგი თემაზე: ქალთა რეპროდუქციული და სექსუალური უფლებების დაცვა; ქალთა და გოგონათა ხელმისაწვდომობის გაზრდა რეპროდუქციული ჯანმრთელობის სერვისებზე (უსაფრთხო აბორტი, კონტრაცეპტივები, სექსუალური განათლება, სექსუალურ ჯანმრთელობაზე ზრუნვა); შეხვედრას ესწრებოდა დმანისის მუნიციპალიტეტში მცხოვრები შერეული ქალთა საზოგადოება: დასაქმებულები, დიასახლისები, ტრენინგს უძღვებოდა ექიმი თერაპევტი - ძიძია ღუდუშაური. |
2015-06-23
| სამუშაო შეხვედრის მიზანი იყო საჯარო მოხელეთა პროფესიული დონის ამაღლება, სპეციალურად შემუშავებული საგანმანათლებლო პროგრამების მიმოხილვა, საჯარო მოხელეთა კვალიფიკაციის ამაღლების კუთხით საჭიროებების გამოვლენა და მათი გადაჭრის გზების შემუშავება. |
2015-06-23
| მიმდინარე წლის 22 ივნისს დმანისის მუნიციპალიტეტის სააქტო დარბაზში ჩატარდა ტრენინგი სამოქალაქო საზოგადოება ადგილობრივი დემოკრატიისათვის თემის აქტიურ ლიდერებთან. ტრენინგს უძღვებოდნენ ნონა კვახაძე და რუსუდან კოვზირიძე. საქართველოს ადგილობრივი თვითმმართველობათა ეროვნული ასოციაცია - არის საქართველოს ადგილობრივი ხელისუფლების ორგანოების მიერ შექმნილი არასამეწარმეო არამომგებიანი იურიდიული პირი, რომელიც აერთიანებს საქართველოს ყველა თვითმმართველ ერთეულს. ორგანიზაციის მიზანია ეროვნულ საერთაშორისო ასპარეზზე წარმოადგინოს წევრი თვითმმართველი ერთეულების ინტერესები, ხელი შეუწყოს საქართველოში ადგილობრივი დემოკრატიის დამკვიდრებას, საქართველოს სოფლების, თემების და ქალაქების გაძლიერებას. ორგანიზაცია აქტიურად თანამშრომლობს ქართულ და უცხოურ ორგანიზაციებთან, საერთაშორისო დონორებთან. ასოციაცია არის ევროპის მუნიციპალიტეტთა და რეგიონთა საბჭოს წევრი, ასევე ადგილობრივი დემოკრატიის სააგენტოების ასოციაციის წევრი. ადგილობრივი დემოკრატიის სააგენტოების ასოციაცია არის- არასამთავრობო ორგანიზაციათა ევროპული ქსელი რომელიც ორიენტირებულია ადგილობრივი დემოკრატიის განვითარებაზე და მოქალაქეთა მონაწიეობის გაზრდაზე ადგილობრივი გადაწყვეტილების მიღების პროცესში, ეს ქსელი აერთიანებს 13 ორგანიზაციას აღმოსავლეთ ევროპიდან, იგი აქტიურად თანამშრომლობს ევროკომისიასთან, ევროპის საბჭოსთან და ევროპის რეგიონთა კომიტეტთან. ადგილობრივი დემოკრატიის სააგენტო - საქართველო ა.დ.გ. დემოკრატიის სააგენტოს ასოციაციის წევრი ქართული არასამთავრობო ორგანიზაციაა. იგი დაფუძნებულია ქალაქების ქუთაისის, თბილისი, ასევე სტრასბურგი (საფრანგეთი) და ნიუპორტი (დიდი ბრიტანეთი) თანამშრომლობის შედეგად. ადგილობრივი დემოკრატიის სააგენტო- საქართველო აქტიურად მუშაობს ადგილობრივი ხელისუფლების ორგანოებთან და სამოქალაქო საზოგადოების ორგანიზაციებთან საქართველოში უკეთესი მმართველობის, მოქალაქეთა ჩართულობის გაზრდისა და ადამიანის უფლებების დაცვისთვის. |
2015-06-24
2015 წელს გამართულ ქვემო ქართლის ჩემპიონატში 2002-2003 წელს დაბადებულ ჭაბუკთა შორის ფეხბურთში, რომელშიც მონაწილეობდა 10 გუნდი, მიმდინარე წლის მარტსა და ივნისის თვეში დმანისის სპორტული სკოლის გუნდი გავიდა ფლეი-ოფში, ხოლო ფინალი ჩატარდა დმანისის ცენტრალურ სტადიონზე სადაც ერთმანეთს დაუპირისპირდნენ დმანისის ,,აისი" და კაზრეთის ,,მადნეული", საინტერესო და დაძაბული ორთაბრძოლის ძირითადი დრო დამთავრდა ფრედ ერთით-ერთი. თამაშის ბედი გადაწყვიტა პენალტებმა, სადაც უფრო ზუსტები აღმოჩნდნენ დმანისელები და ღირსეულად მოიპოვეს მესამე ადგილი ქვემო ქართლის ჩემპიონატზე.
2015-07-04
| მიმდინარე წლის 3 ივლისს ბულგარეთის დედაქალაქ სოფიაში ჩატარდა ევროპის ჩემპიონატი ჭიდაობა ძიუდოში ჭაბუკთა შორის, სადაც ევროპის 48 ქვეყანა მონაწილეობდა, მათ შორის საქართველოც. 66 კგ. წონით კატეგორიაში საქართველო წარმოადგინა ბაგრატ ნინიაშვილმა. რომელმაც მოიპოვა ბრინჯაოს მედალი. ,,ეს დმანისის სპორტის ისტორიაში პირველი ოფიციალური მედალია ოლიმპიურ სახეობათა შორის. ბაგრატ ნინიაშვილი 5 ივლისს გუნდურ ასპარეზობაშიც მიიღებს მონაწილეობას" ისაუბრა ბაგრატ ნინიაშვილის პირადმა მწვრთნელმა ბესიკ მუმლაძემ. |
2015-07-06
| მიმდინარე წლის 6 ივნისს დმანისის მუნიციპალიტეტში ჩატარდა ტრენინგი თემაზე: ,,ადამიანის უფლებები და თავისუფლებები, ქალთა უფლებების დაცვის მექანიზმი“, რომელიც განხორციელდა ,,ჰორიზონტის გაფართოება: გაუმჯობესებული არჩევანი ქალთა და გოგონათა პროფესიული და ეკონომიკური განვითარებისთვის“ პროგრამის სკოლისა და განათლების კომპონენტის ფარგლებში, ამერიკელი ხალხის გულისხმიერი მხარდაჭერით ა.შ.შ. საერთაშორისო განვითარების სააგენტოს (USAID) დაფინანსებით, ტრენინგს ესწრებოდა ქალთა შერეული საზოგადოება (დიასახლისები, დასაქმებულები, პედაგოგები). ტრენინგის დასასრულს ყველა მონაწილეს გადაეცა სერთიფიკატები და საჩუქრად სახელმძღვანელო: „სამართლებრივი გზამმკვლევი ქალებისთვის“, ტრენინგს უძღვებოდა აკაკი ხუსკივაძე ქალთა უფლებების და გენდერული თანასწორობის საკითხებზე პროექტების ავტორი დასავლეთ საქართველოში, აგრეთვე ჟურნალი „ქალის სურნელი“ დამფუძნებელი და რედაქტორი, რომელიც ამჟამად მოღვაწეობს ორგანიზაცია ტრენინგ ცენტრში სასწავლო პროგრამების ხელმძღვანელად. |
2015-07-14
10 ივლისიდან ააიპ დმანისის კულტურისა და ხელოვნების ცენტრის მიმდებარე ტერიტორიაზე არსებულ პარკში ყოველ დღე 20 საათიდან 22 საათამდე იმართება შემეცნებითი გასართობი საღამოები.საღამოებში გამოყენებულია იუმორი, სატირა, დიდი ნაწილი ეთმობა მუსიკას და მუსიკის მოყვარულებს, გარკვეული დრო გამოყენებულია შემეცნებითი ხასიათის საუბრებისათვის. ,,შედგება შეხვედრები ცნობილ და საინტერესო ადამიანებთან. მოეწყობა პოეზიის საღამოები. ჭადრაკის მოყვარულებს შევთავაზებთ ჭადრაკის თამაშს (მოყვარულებთან შეთანხმებული გრაფიკით), საღამოებში აქტიურად ჩართულ და დამსწრე აუდიტორიასთან ერთად ვიზრუნებთ პარკის და ზოგადად მიმდებარე ტერიტორიების დასუფთავებაზე, საამისოდ პერიოდულად მოვაწყობთ დასუფთავების აქციებს. ყოველდღე ცეკვის მოყვარულებს მიეცემათ შესაძლებლობა სასურველი ჟანრის ცეკვების შესრულებისა. გაიმართება დისკოთეკები. ასევე 10 ივლისიდან ფუნქციონირება დაიწყო რადიომ ,,დოქი“. ისაუბრა: ,,დმანისის კულტურისა და ხელოვნების ცენტრის დირექტორმა - ეკატერინე ოქრიაშვილმა. საღამოებს კოორდინირებას გაუწევს სამხატვრო ხელმძღვანელი ზოია ბერუაშვილი. ტექნიკური უზრუნველყოფა: ვასილ დაუთაშვილი. წამყვანები: 1.სალომე კოდელაშვილი (ახალგაზრდული საკრებულოდან). 2.გიორგი ჯაგიევი. 3.ვანო ანდიაშვილი.
2015-07-14
| მიმდინარე წლის 13 ივლისს დმანისის მუნიციპალიტეტის სოფელ განთიადში ჩატარდა ACF international ორგანიზებით, ევროკავშირის მიერ დაფინანსებული პროექტის: ,,სასოფლო-სამეურნეო კოოპერატივების განვითარების მხარდაჭერა საქართველოში“ ფარგლებში სადემონსტრაციო დღე, რომელიც ჩატარდა ფერმერ გიორგი ციხელაშვილის 0,5 ჰა მიწის ფართობზე. პროექტის ფარგლებში მოეწყო თანამედროვე ჯიშის ჟოლოსა და უეკლო მაყვალის სანერგე მეურნეობა, თანამედროვე მორწყვის სისტემის და ახალი ტექნოლოგიების გამოყენებით. სადემონსტრაციო დღის მოწყობის მიზანს წარმოადგენდა დაინტერესებული ფერმერებისთვის ახალი საირიგაციო ტექნოლოგიების შესახებ ინფორმირება, თანამედროვე კენკროვანი კულტურების მაღალმოსავლიანობის და მათი მოვლა-მოყვანის შესახებ ინფორმაციის მიწოდება. სადემონსტრაციო დღეს ესწრებოდა დმანისის მუნიციპალიტეტის გამგებლის პირველი მოადგილე ზაზა გოშუანი, სოფლის მეურნეობის სამინისტროს ქვემო ქართლის სამმართველოს და დმანისის მუნიციპალიტეტის საინფორმაციო საკონსულტაციო სამსახურის თანამშრომლები, სხვადასხვა არასამთავრობო ორგანიზაციების წარმომადგენლები, მათ მიერ დაფინანსებული პროექტების ბენეფიციარები და ადგილობრივი ფერმერები. ახალი ტექნოლოგიების დემონსტრირებამ დიდი ინტერესი გამოიწვია მონაწილეთა შორის და რამდენიმე ფერმერის მხრიდან გაჩნდა მსგავსი ტიპის ნაკვეთის მოწყობის იდეაც, ვინაიდან რეალურად შეაფასეს მაღალმოსავლიანი თანამედროვე კენკროვან კულტურაზე მოთხოვნა და პერსპექტივები. |
2015-07-17
| ჰორიზონტის გაფართოება: ,,გაუმჯობესებული არჩევანი ქალთა და გოგონათა პროფესიული და ეკონომიკური განვითარებისათვის“ - პროგრამის ფარგლებში, რომელიც ხორციელდება კონფლიქტებისა და მოლაპარაკებების საერთაშორისო კვლევითი ცენტრის (ICCN) მიერ, ამერიკის შეერთებული შტატების განვითარების სააგენტოს (USAID) მხარდაჭერით, არასამთავრობო ორგანიზაცია ,,MercyCorps”- თანპარტნიორობით. პროგრამა შედგება სამი ძირითადი კომპონენტისაგან: 1.,,ქალთა ოთახი“ - ახალი მუნიციპალური სერვისი, რომელიც ქალებს გაუმარტივებს ინფორმაციასა და სხვადასხვა სერვისზე წვდომას და ხელს შეუწყობს გენდერული ცნობიერების ამაღლებას. 2.განათლების, კარიერისა და შესაძლებლობების ფონდი - ხელს შეუწყობს ქალებისა და გოგონების კარიერისა და განათლების შესაძლებლობების გაზრდას. 3.განათლება და სკოლები- შერჩეული პედაგოგებისთვის ჩატარდება სპეციალური ტრენინგები გენდერული თანასწორობისა და გოგონათა გაძლიერების პროგრამით. კომპონენტი ხელს შეუწყობს სკოლებში თემატური გაკვეთილების, ფაკულტატური მეცადინეობების, ინტერაქტიული სავარჯიშოებისა და როლური თამაშების ორგანიზებას. მოხდება მშობლების აქტიურად ჩართვა ბავშვების მიერ მომზადებულ მცირე პროექტებში, დისკუსიებში, ფილმების პრეზენტაციებში და ა.შ. აღნიშნული პროგრამის ფარგლებში მიმდინარე წლის 17 ივლისს დმანისის მუნიციპალიტეტში ჩატარდა ტრენინგი თემაზე: ,,სახელმწიფო მოწყობა, ადგილობრივი თვითმმართველობის ორგანოები და მოქალაქეთა მონაწილეობა მუნიციპალიტეტის საქმიანობაში" . ტრენინგს უძღვებოდა რევაზ ეგაძე, ანალოგიური ტრენინგები ჩატარდა ქვემო ქართლის სხვა მუნიციპალიტეტებშიც, განსახილველი საკითხები მოიცავდა საქართველოს სახელმწიფო ორგანოების მოწყობას და მათი უფლებამოსილებების განსაზღვრას, ასევე ადგილობრივი თვითმმართველობის ორგანოების საქმიანობას და კომპეტენციებს და მოქალაქეთა ჩართულობას თვითმმართველობის განხორციელების პროცესში. ტრენინგს ესწრებოდნენ პედაგოგები და მუნიციპალიტეტის თანამშრომლები. დასასრულს ყველა მონაწილეს გადაეცა სერთიფიკატები. |
2015-07-18
| მიმდინარე წლის 18 ივლისს, საქართველოს კულტურისა და ძეგლთა დაცვის მინისტრმა მიხეილ გიორგაძემ, სოფლის მეურნეობის მინისტრთან ოთარ დანელიასთან ერთად, დმანისის მუნიციპალიტეტის სოფელ განთიადისა და სოფელ ბოსლების მიმდებარე ტერიტორიაზე აღმოჩენილი ნამოსახლარები და სამაროვნები დაათვალიერა. სადაც ასევე იმყოფებოდა კულტურული მემკვიდრეობის დაცვის ეროვნული სააგენტოს დირექტორი ნიკოლოზ ანთიძე და ქვემო ქართლში სახელმწიფო რწმუნებულის-გუბერნატორის მოადგილე ნუგზარ სალია. სტუმრებს ადგილზე დახვდნენ დმანისის მუნიციპალიტეტის ხელმძღვანელი პირები. სამაროვნებს, საქართველოს სოფლის მეურნეობის სამინისტროს შპს „საქართველოს მელიორაციის“ მიერ, სარწყავი სისტემის რეაბილიტაციის დროს წარმოებული სამუშაოებისას მიაკვლიეს. საქართველოს ეროვნული მუზეუმის არქეოლოგიური ექსპედიციის მიერ ობიექტის შესწავლის შემდეგ დადგინდა, რომ ნამოსახლარები და სამაროვნები გვიან ანტიკური პერიოდის და ადრე შუა საუკუნეებისაა. მათგან აღსანიშნავია მდინარე მაშავერას მარცხენა ნაპირზე, ადგილ ყანჩაანთ სოფელში აღმოჩენილი ორი სამაროვანი, სადაც იმ დროისათვის შეძლებული ადამიანები იყვნენ დაკრძალულნი. ორმოსამარხებში ჩატანებული აღმოჩნდა: სხვადასხვა ფერისა და ფორმის მინის სანელსაცხებლები, ბრინჯაოს ზარაკები, ირმის ქანდაკებები, საკიდები, ბეჭდები, ოქროს საკიდი და საყურეები, ვერცხლის რომაული მონეტები, რკინის საბრძოლო იარაღები და თიხის ჭურჭელი. მოპოვებული მასალის მიხედვით, ნათლად ჩანს, რომ დმანისის რეგიონში, იმ დროისათვის საკმაოდ განვითარებული და სოციალურად დაწინაურებული საზოგადოება ცხოვრობდა, რომელსაც მჭიდრო კულტურულ-ეკონომიკური კავშირები ჰქონდა, როგორც საქართველოს რეგიონებთან, ასევე რომთან და სირიასთან. აღმოჩენილი არქეოლოგიური ნივთები, სავარაუდოდ, ახალი წელთაღრიცხვის I-IV საუკუნეებით თარიღდება. |
2015-07-20
| საქართველოს კულტურისა და ძეგლთა დაცვის სამინისტროს მხარდაჭერით ზინაიდა კვერენჩხილაძის სახელობის დმანისის პროფესიულ დრამატულ თეატრში მიმდინარე წლის 21 ივლისს 18 საათზე გაიმართება სპექტაკლი ნოდარ დუმბაძის ,,სისხლი". |
2015-07-22
| მიმდინარე წლის 22 ივლისს დმანისის მუნიციპალიტეტის გამგებელმა გოგი ბარბაქაძემ გამართა სამუშაო შეხვედრა სოფლის პროგრამის მხარდაჭერის ფარგლებში სხვადასხვა სამუშაოების შემსრულებელ მეწარმეებთან. გამგებელმა მოისმინა მათი პრობლემები და შეხედულებები სხვადასხვა საკითხებზე, ასევე მისცა მითითება კანონით განსაზღვრულ ვადებში განახორციელონ სამუშაოები რაც მთავარია მაღალი ხარისხით და კანონის სრული დაცვით. |
2015-07-22
| 21 ივლისს, დმანისის ზინაიდა კვერენჩხილაძის სახელობის სახელმწიფო პროფესიულ დრამატულ თეატრში პრემიერა გაიმართა. ნოდარ დუმბაძის მოთხრობის „სისხლის“გმირები სცენაზე რეჟისორმა გეგა ქურციკიძემ გააცოცხლა. მთავარი როლის შემსრულებელმა ზურაბ ცინცქილაძემ გურული იუმორით სავსე დუმბაძისეული ხასიათი მაყურებლამდე განსხვავებული რაკურსით, ტკივილითა და სევდანარევი ღიმილით მიიტანა. სპექტაკლს ესწრებოდნენ ქვემო ქართლში სახელმწიფო რწმუნებულ-გუბერნატორი პაატა ხიზანაშვილი და ადგილობრივი ხელისუფლების წარმომადგენელები. თეატრალური დასი სპექტაკლით „სისხლი“ მაყურებლის წინაშე 23 ივლისს ფოთში, რეგიონული თეატრების საერთაშორისო ფესტივალზე წარდგება. |
2015-07-23
| მიმდინარე წლის 22 ივლისს დმანისში ააიპ კულტურისა და ხელოვნების ცენტრის მიმდებარე ტერიტორიაზე არსებულ სკვერში, დმანისის ახალგაზრდულმა საკრებულომ მოაწყო კულტურისა და ხელოვნების ცენტრთან არსებული ბავშვების ნახატებისა და ხელნაკეთი ნივთების გამოფენა. გამოფენას ესწრებოდნენ დმანისის მუნიციპალიტეტის ხელმძღვანელი პირები, მათ შეაფასეს ნამუშევრები და ბავშვებს მოუწონეს ინიციატივა. |
2015-07-23
| მიმდინარე წლის 23 ივლისს დმანისის მუნიციპალიტეტის გამგეობის სააქტო დარბაზში ასოციაციამ : ,,ქალი და ბიზნესი“ და ,,ბიზნესის განვითარების ცენტრი კავკასია“ პროექტის - ,,ძლიერი ქალები სოფლად“ ფარგლებში სამუშაო შეხვედრა გამართა ადგილობრივ მოსახლეობასთან სახელწოდებით გენდერული თანასწორობა და ქალთა ჩართულობის გაზრდა აგრო ბიზნესში, სადაც დამსწრე საზოგადოებას მიეწოდა ინფორმაცია ახალი შესაძლებლობების შესახებ აგროსექტორში, გააცნეს გენდერული თანასწორობის სახელმწიფო პოლიტიკა, ისაუბრეს ქალთა უფლებების შესახებ (შრომის, ჯანმრთელობის და ა.შ) ისაუბრეს ევროკავშირთან ასოცირების ხელშეკრულების მნიშვნელობაზე, ახალ შესაძლებლობებზე და გამოწვევებზე, სახელმწიფო პროგრამებზე, რომელიც შესაძლებლობას აძლევს ფერმერებს განავითარონ უკვე არსებული ფერმერული მეურნეობები ან წამოიწყონ საკუთარი ბიზნესი. შეხვედრა იყო ინტერაქტიული, მომხსენებლებმა და მსმენელებმა ერთმანეთს საკუთარი გამოცდილება და შეხედულებები გაუზიარეს. |
2015-07-27
| მიმდინარე წლის 27 ივლისს დმანისის მუნიციპალიტეტის სააქტო დარბაზში შვეიცარიის განვითარების და განვითარების სააგენტოს (SDC) მიერ დაფინანსებული და მერსი ქორფსის მიერ იმპლემენტირებული „მცირე კავკასიის ალიანსების პროგრამის“ ფასილიტაციით გამგებლის წარმომადგენლებთან ჩატარდა ტრენინგი გენდერულ საკითხებზე. აღნიშნულ ტრენინგზე სოფლის წარმომადგენლებს მიეწოდათ ინფორმაცია ადგილობრივ დონეზე გადაწყვეტილების მიღების პროცესში ქალებისა და მამაკაცების თანაბარი დასწრების უზრუნველყოფის საკითხებზე, ასევე მოხდა შესაბამისი კანონმდებლობისა და წესების გაცნობა. – ,,დღეს ვსაუბრობთ როგორ უნდა იყოს გათვალისწინებული გენდერული თანასწორობის პრინციპები ადგილობრივი თვითმმართველობის საქმიანობაში და იმ საკანონმდებლო ბაზაზე, რეგულაციაზე და პრინციპებზე, რაც მათ უნდა დაიცვან. ისაუბრა შორენა ლორთქიფანიძემ, მერსი ქორფსის გენდერის ექსპერტმა". – ,,დღევანდელი ტრენინგი ძალიან საინტერესო იყო, მივიღეთ საჭირო ინფორმაცია, ქალების ჩართულობა საზოგადოებრივ ცხოვრებაში არის მნიშვნელოვანი, მათი მოთხოვნები და საჭიროებები ისე უნდა იყოს გათვალისწინებული, როგორც კაცების''. აღნიშნა გამგებლის წარმომადგენელმა სოფელ დიდ დმანისში - კახა ტატუაშვილმა. |
2015-07-27
| მიმდინარე წლის 27 ივლისს დმანისის მუნიციპალიტეტის გამგეობაში კონფლიქტებისა და მოლაპარაკებების საერთაშორისო კვლევითმა ცენტრმა (ICCN) პროგრამა „ჰორიზონტის გაფართოება: გაუმჯობესებული არჩევანი ქალთა და გოგონათა პროფესიული და ეკონომიკური განვითარებისათვის“ ფარგლებში ტრენინგი გამართა თემაზე: „ორგანიზაციული მენეჯმენტი და კომუნიკაცია“. დამსწრე საზოგადოებას მიეწოდა ინფორმაცია იმის შესახებ, თუ როგორი უნდა იყოს წარმატებული კომპანიის ფორმულა, შეიქმნა სამუშაო ჯგუფები, ჩატარდა პრაქტიკული სამუშაოები, მონაწილეებმა წარმოადგინეს ვირტუალური ორგანიზაციის სტრუქტურა, სამუშაო პროცესში აქტიურად ჩაერთო აუდიტორია. ტრენინგის მიზანს წარმოადგენდა „სახელმწოფო მოწყობა, ადგილობრივი თვითმმართველობა და მოქალაქეთა ჩართულობა ადგილობრივ თვითმმართველობაში“ დასასრულს ყველა მონაწილეს გადაეცა სერთიფიკატი. ტრენინგს უძღვებოდა ICCN - ის აღმასრულებელი დირექტორი მაია კაციტაძე. |
2015-07-29
| მიმდინარე წლის 28 ივლისს სადაზღვეო კომპანია ,,იმედი L" - ის წარმომადგენელმა სამუშაო შეხვედრა გამართა დმანისის მუნიციპალიტეტის საკონფერენციო დარბაზში.შეხვედრას ორგანიზება გაუკეთა დმანისის მუნიციპალიტეტის გამგეობის ჯანდაცვის სამსახურის უფროსმა მეგი ედიბერიძემ. კომპანიის წარმომადგენელმა დამსწრე საზოგადოებას დაზღვევის პირობებსა და პროგრამაში ჩართვის მიზნით, პროცედურების გავლის შესახებ დეტალური ინფორმაცია მიაწოდა. კომპანიის წარმომადგენლის განცხადებით დმანისის მუნიციპალიტეტში ,,იმედი L" -ის წარმომადგენლობაა გახსნილი შპს ,,ახალი სამედიცინო ცენტრი" (გორგასლის N10) რომელიც მოემსახურება კორპორატიული დაზღვევის ბენეფიციალებს. |
2015-07-29
| მიმდინარე წლის 29 ივლისს თბილისის ახალგზრდულ ოლიმპიურ ფესტივალზე დმანისელმა ბაგრატ ნინიაშვილმა (66 კგ) ბრინჯაოს მედალი მოიპოვა. ბრინჯაოს მედლისთვის შეხვედრაში ბაგრატ ნინიაშვილმა აზერბაიჯანელი პაშა ალიევი დაამარცხა. ბრინჯაოს მედალი ასევე ნატალია ყიფშიძემ მოიპოვა რომელმაც ბრიტანელი კიერა ბატემენი დაამარცხა.ფინალურ შეხვედრებს საქართველოს პრემიერი ირაკლი ღარიბაშვილი დაესწრო და გამარჯვებული პირველი ოქროს მედალით ევროპის ახალგაზრდულ ოლიმპიურ ფესტივალზე - 60 კილოგრამ წონით კატეგორიაში ძიუდოისტი რობიზონ ბეგლარაშვილი დააჯილდოვა. |
2015-07-30
| მიმდინარე წლის 28 ივლისს ქვემო ქართლში სახელმწიფო რწმუნებულ-გუბერნატორი პაატა ხიზანაშვილი საქართველოს ძალოსნობის ფედერაციის პრეზიდენტ კახი კახიაშვილთან ერთად დმანისის მუნიციპალიტეტს ესტუმრა, სპორტული დარბაზის ინფრასტრუქტურას გაეცნო და სპორტის სფეროში განსახორციელებელ სიახლეებზე ისაუბრა. გუბერნატორის ინიციატივით, ქვემო ქართლის ყველა მუნიციპალიტეტში ჩამოყალიბდება აღმოსავლური ორთაბრძოლების შემსწავლელი ჯგუფები, რომლებშიც მსურველები უფასოდ ივარჯიშებენ და საერთო ფიზიკური მომზადების დონეს აიმაღლებენ. ძალოსნობის ფედერაციისა და სპორტის სამინისტროს მხარდაჭერით უახლოეს პერიოდში მუნიციპალიტეტებში სპორტული დარბაზების კეთილმოწყობა და საჭირო ინვენტარით აღჭურვა დაიწყება. მარნეულში, ბოლნისსა და დმანისში სპორტული დარბაზების მდგომარეობას გაეცნენ აგრეთვე საქართველოში ჯიუ-ჯიცუს ფედერაციის დამფუძნებელი ავთანდილ მიქაძე და ძიუდოს, ჯიუ-ჯიცუს და საბრძოლო სამბოს აკადემიის დამფუძნებელი ამერიკაში ზურაბ ბეკოშვილი. აღსანიშნავია, რომ ქვემო ქართლში სახელმწიფო რწმუნებულ-გუბერნატორის ინიციატივით რეგიონში იგეგმება უპრეცედენტო პროგრამის განხორციელება, რომელიც წვევამდელთა მომზადებასა და სერტიფიცირებას ითვალისწინებს. მათი გადამზადებაც სწორედ აღნიშნულ სპორტულ დარბაზებში იქნება შესაძლებელი. ამ პროგრამის ფარგლებში რუსთავში უკვე მიმდინარეობს ინსტრუქტორების გადამზადების პროცესი. კურსის დასრულების შემდეგ ინსტრუქტორები მუნიციპალიტეტებში გადანაწილდებიან და ადგილზე მოახდენენ წვევამდელების მომზადებას ფიზიკური და ფსიქოლოგიური აქტივობების გასამყარებლად. |
სიახლეები
ნოემ 14 ხუთ 2024
318
ნოემ 12 სამ 2024
425
ნოემ 08 პარ 2024
494
ნოემ 01 პარ 2024
698
ოქტ 31 ხუთ 2024
604
