სიახლეების გამოწერა

ბოსლების საჯარო სკოლაში შემოდგომის ფესტივალი გაიმართა!

ღონისძიებას ესწრებოდნენ, დმანისის მუნიციპალიტეტის მერი, გიორგი ტატუაშვილი, განათლების, კულტურის, სპორტისა და ახალგაზრდულ საქმეთა სამსახურის ხელმძღვანელი ეკატერინე ოქრიაშვილი, დმანისის საგანმანათლებლო რესურ–ცენტრის დირექტორი ბელა ტატუაშვილი, საკრებულოს სოციალურ საკითხთა კომისიის თავმჯდომარე, მურაზი აბრამიშვილი, სკოლის პედაგოგები და სხვა მიწვეული სტუმრები.

სკოლის აღსაზრდელებმა, წარმოადგინეს მხატვრულ ლიტერატურული კომპოზიცია, შემოდგომის თემაზე.

ბავშვებმა საზეიმო ღონისძიებაზე დამსწრე საზოგადოებას ლექსები, სიმღერები და სახალისო დადგმები შესთავაზეს. კერძოდ, სააქტო დარბაზი შემოდგომის ნობათით მორთეს, თათარა მოადუღეს და ჩურჩხელები ამოავლეს.

ღონისძიებაზე სიტყვით გამოვიდა მუნიციპალიტეტის მერი და რესურ–ცენტრის დირექტორი. მათ სკოლის ადმინისტაციას მადლობა გადაუხადეს ღონისძიების გამართვისთვის და წარმატება უსურვეს.