სიახლეების გამოწერა

მიმდინარე წლის 1 სექტემბერს, დმანისის მუნიციპალიტეტის გამგებელმა  გოგი ბარბაქაძემ სამუშაო შეხვედრა გამართა სსიპ სოციალური მომსახურების სააგენტოს ქვემო ქართლის სოციალური მომსახურების სამხარეო ცენტრის უფროსთან - ბესიკ ტეფნაძესთან.შეხვედრაზე დეტალურად იყო განხილული  დმანისის მუნიციპალიტეტში ,,სოფლის ექიმის" ამბულატორიების მუშაობის პროცესი, მუნიციპალიტეტის ტერიტორიაზე 10  ამბულატორიაა განთავსებული, სადაც ,,სოფლის ექიმი" ემსახურება სამოქმედო ტერიტორიაზე მცხოვრებ მოსახლეობას. შეხვედრაზე დეტალურად განიხილეს ის პრობლემები და საჭირბოროტო საკითხები, რაც  მოსახლეობის და ექიმების წინაშე დგას. შეხვერდას ესწრებოდნენ: დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის უფროსი - მეგი ედიბერიძე და სსიპ სოციალური მომსახურების სააგენტოს დმანისის რაიონული განყოფილების უფროსის მოვალეობის შემსრულებელი დავით დაუთაშვილი.