სიახლეების გამოწერა

პროექტის  „გახდი აქტიური მოქალაქე“ - ფარგლებში, განხორციელდა ტრენინგი, რომელიც მიზნად ისახავდა ახალგაზრდების სამოქალაქო თვითშეგნების ამაღლებას, მათი ადგილობრივი თვითმმართველობის სტრუქტურების საქმიანობაში ჩართულობის ხელშეწყობას.

 ტრენინგ-ბანაკის შემდეგ ახალგაზრდებს მიეცათ დავალება საკუთარ სოფელში, მუნიციპალიტეტში, მხარეში მოახდინონ პრობლემის იდენტიფიცირება, შესწავლა, თანამოაზრეთა მობილიზება, პროექტის შედგენა, განხორციელება და ანალიზი. გამარჯვებული პროექტების პრეზენტაცია და დაჯილდოება განხორციელდება რეგიონალურ ახალგაზრდულ ფორუმზე.

,,ტრენინგ-ბანაკი გაიმართა დაბა ბაკურიანში  2-7 სექტემბერს (5დღე), მონაწილეობა მიიღეს    9-12 კლასის წარჩინებულმა მოსწავლეებმა და მათმა ხელმძღვანელებმა ქვემო ქართლის შვიდივე მუნიციპალიტეტიდან.

 ჩვენი ახალგაზრდები დაბრუნდნენ უაღრესად კმაყოფილები. თითოეული მათგანი აღნიშნავს, რომ შეიძინეს ცოდნა რომელიც მათ შედგომში დაეხმარება პრობლემების შესწავლასა და  გადაწყვეტაში.

 მათთვის თითოეული დღე იყო  გამორჩეული. შეიძინეს უამრავი მეგობარი და აპირებენ პარტნიორული ურთიერთობის გაგარძელებას.

 ახალგაზრდები განსაკუთრებით კარგად იხსენებენ ბოლო საღამოს , რადგან სწორედ ამ საღამოს წარმოადგინეს პროექტი - „ტურიზმის განვითარება დმანისში",  აღნიშნულმა პროექტმა  დმანისელებს გამარჯვება მოუპოვა, ისაუბრა: განათლების, კულტურის, სპორტისა და ახალგაზრდობის საქმეთა სამსახურის უფროსმა - ეკატერინე ოქრიაშვილმა.