შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
მიმდინარე წლის 21 თებერვალს, დმანისის მუნიციპალიტეტის მერიის საკონფერენციო დარბაზში - პროექტების „წყალი სიღარიბის აღმოსაფხვრელად“ და "საქართველოს WaSH (წყალი, სანიტარია და ჰიგიენა) სათემო ინიციატივის“ ფარგლებში სამუშაო შეხვედრა გაიმართა.
შეხვედრას დმანისის მუნიციპალიტეტის მერი გიორგი ტატუაშილი თანამშრომლებთან და WaSH - ის საბჭოს წევრებთან ერთად ესწრებოდა.
შეხვედრის მიზანს წარმოადგენდა ერთობლივი მუშაობის ერთ წლიანი ანგარიშის წარდგენა და დაინტერესებულ მხარეებთან სამომავლო გეგმების განხილვა, დმანისის WaSH საბჭოს პრიორიტეტული საკითხების წარდგენა და ახალი პროექტების გაცნობა.
პროექტის ძირითადი მიზანია სოციალურად დაუცველი მრავალეთნიკური თემების ჯანმრთელობის დაცვისა საცხოვრებელი პირობების გაუმჯობესების ხელშეწყობა, დისკრიმინაციის თავიდან აცილება, წყალთან ხელმისაწვდომობის უზრუნველყოფა და WaSH სტანდარტების დამკვიდრება დაინტერესებული მხარეების ჩართულობის გზით.
შეხვედრას უძღვებოდნენ პროექტის მენეჯერი ვახტანგ ქოჩორაძე და რეგიონალური კოორდინატორი მარიკო წიქორიძე.
