სიახლეების გამოწერა

მიმდინარე წლის 17 სექტემბერს რუსთავში რუსთავქალაქობის  სადღესასწაული ღონისძიებას დმანისის მუნიციპალიტეტი შეუერთდა და ქალაქის მთავარ მოედანზე საკუთარი კუთხე წარმოადგინა. დმანისელებმა მოაწყვეს ბავშვთა ,,ხატვისა და ხალხური რეწვის“ ნამუშევრების გამოფენა. ასევე გამოიფინა ხელნაკეთი ნივთები, თიხის ჭურჭელი, თექის ნამუშევრები და ნაქსოვი აქსესუარები.  სადღესასწაულო პროგრამა ცენტრალურ მოედანზე, მოქანდაკეთა სიმპოზიუმის ფარგლებში შექმნილი ქანდაკებების პრეზენტაციით დაიწყო. დღის განმავლობაში ქალაქის ცენტრალურ მოედანზე მიმდინარე ღონისძიებებს ესწრებოდნენ ცენტრალური და ადგილობრივი ხელისუფლების წარმომადგენლები და მოწვეული სტუმრები.  სხვადასხვა პროფესიის დამსახურებული ადამიანები ქალაქის მერმა, ქვემო ქართლის გუბერნატორმა და საკრებულოს თავმჯდომარემ დააჯილდოეს.

რუსთავში რუსთავქალაქობა-2016 „სუხიშვილების“ კონცერტით დასრულდა.