სიახლეების გამოწერა

დმანისის მუნიციპალიტეტის საკრებულო დაჯილდოვდა 2018 წელს საჯარო ინფორმაციის ხელმისაწვდომობის უზრუნველყოფისათვის.

ინფორმაციის თავისუფლების განვითარების ინსტიტუტმა (IDFI) დღეს საჯარო უწყებებში საჯარო ინფორმაციის ხელმისაწვდომობის მდგომარეობის შესახებ ყოველწლიური ანგარიში და რეიტინგი გამოაქვეყნა. ანგარიში, სხვა საჯარო დაწესებულებებთან ერთად, ადგილობრივი თვითმმართველობის ორგანოების გამჭვირვალობის ხარისხსაც სწავლობს.

როგორც პრეზენტაციიდან ირკვევა, 2018 წელს ინფორმაციის ხელმისაწვდომობის ყველაზე მაღალი, 100%-იანი მაჩვენებელი, 64 მუნიციპალიტეტიდან, 12 მუნიციპალიტეტს აქვს, თუმცა, ამ მუნიციპალიტეტებიდან მხოლოდ სამია მერია, 9 კი – საკრებულო.

ანგარიშის თანახმად, ინფორმაციის ხელმისაწვდომობის კუთხით საუკეთესო ზუგდიდის მერია და საკრებულოა. ეს ერთადერთი მუნიციპალიტეტია, რომლის აღმასრულებელი და წარმომადგენლობითი ორგანოებიც ყველაზე მაღალ სტანდარტს ერთნაირად აკმაყოფილებენ.

 საკრებულოებს, ამ მხრივ გამორჩეული ქარელის, ახალციხის, საჩხერის, ყვარლის, დმანისის, თიანეთის, ჭიათურის, ხობისა და ჩოხატაურის მუნიციპალიტეტების საკრებულოებია. მათაც, კვლევის თანახმად, 100%-იანი შედეგი დადეს.