სიახლეების გამოწერა

დმანისის მუნიციპალიტეტში ახალი სასწრაფო სამედიცინო ცენტრის მშენებლობა მიმდინარეობს.

დმანისის მუნიციპალიტეტის მერი, გიორგი ტატუაშვილი, ქვემო ქართლში სახელმწიფო რწმუნბულთან, შოთა რეხვიაშილთან და ადგილობრივი თვითმმართველობის წარმომადგენლებთან ერთად, ქალაქ დმანისში მიმდინარე ახალი სასწრაფო სამედიცინო ცენტრის მშენებლობის პროცესს ადგილზე პირადად გაეცნო.

ერთ-ერთი თანამედროვე ტიპის ცენტრი დმანისის მუნიციპალიტეტის მოსახლეობას 2020 წლიდან მოემსახურება.

საგანგებო სიტუაციების კოორდინაციისა და გადაუდებელი დახმარების სასწრაფო-სამედიცინო ცენტრის შენობა გათვლილი იქნება სამ ბრიგადაზე, რომელსაც ექნება კეთილმოწყობილი ეზო, ავტოსადგომი და გამწვანება.

პროექტი დასრულდება 2020 წლის 30 იანვრამდე, სამუშაოებს შპს „დაჩი ჯგუფი“ განახორციელებს, პროექტის ღირებულება 383 953 ლარს შეადგენს.

საგანგებო სიტუაციების კოორდინაციისა და გადაუდებელი დახმარების ცენტრის სასწრაფო სამედიცინო დახმარების შენობის მშენებლობა მნიშვნელოვნად გააუმჯობესებს დმანისის მუნიციპალიტეტის მოსახლეობისათვის სამედიცინო დახმარების სერვისის მიწოდებას.