სიახლეების გამოწერა

"სოფლის მხარდაჭერის პროგრამის" ფარგლებში განსახორციელებელი სამუშაოების დაგეგმვის მიზნით, დღეს დმანისის მუნიციპალიტეტში ამამლოს, ტყისპირისა და ბაზაქლოს მოსახლეობასთან შეხვედრა გაიმართა.

შეხვედრაზე თვითმმართველობის წარმომადგენლებმა მოსახლეობას"სოფლის მხარდაჭერის პროგრამის" შესახებ დეტალური ინფორმაცია მიაწოდეს.

აღნიშნეს რომ, მნიშვნელოვანია სოფლის მხარდაჭერის პროგრამის ფარგლებში თითოეული დასახლებისთვის გამოყოფილი თანხა მიზნობრივად დაიხარჯოს და პირველი რიგის აუცილებელ საჭიროებებს მოხმარდეს.

ისაუბრეს არსებულ პრობლემებზე, განიხილეს სხვადასხვა პრიორიტეტული მიმართულებები და იმსჯელეს მათი გადაწყვეტის გზებზე.

აღსანიშნავია, რომ ზემოაღნიშნული სოფლების პრიორიტეტია გარე განათების სისტემის მოწყობა, შიდა გზების მოხრეშვა და რიტუალების სახლის მოწყობა.