სიახლეების გამოწერა

დმანისელებმა დღეს ტრადიციულად 1989 წლის 9 აპრილის ტრაგედია და ქვეყნის დამოუკიდებლობისა და ერთიანობისათვის თავგანწირული ადამიანები გაიხსენესდა დაღუპულთა ხსოვნას პატივი მიაგეს.

დღეს, 1989 წლის 9 აპრილს, განვითარებული მოვლენებიდან 32 წელი გავიდა.

დმანისის მუნიციპალიტეტის მერმა, გიორგი ტატუაშვილმა, ადგილობრივი ხელისუფლების წარმომადგენლებთან ერთად, საქართველოს ერთიანობისათვის ბრძოლაში დაღუპულ გმირთა მემორიალი გვირგვინით შეამკო.

დმანისის კულტურისა და ხელოვნების ცენტრის აღსაზრდელებმა შეასრულეს პატრიოტული ლექსები, გაჟღერდა სახელმწიფო ჰიმნი, მამა გიორგიმ გარდაცვლილთა ხსოვნის უკვდავსაყოფად მიცვალებულთა პარაკლისი გადაიხდა.

9 აპრილი საქართველოს ისტორიაში ორ მნიშვნელოვან მოვლენას აერთიანებს - 1989 წლის ტრაგედიასა და დამოუკიდებლობის აღდგენას 1991 წელს. რუსული ჯარის მიერ თბილისში 21 ადამიანის მოკვლამ საყოველთაო დაუმორჩილებლობა გამოიწვია, რაც საბოლოოდ, საქართველოს დამოუკიდებლობის აღდგენით დასრულდა