სიახლეების გამოწერა

სოხუმის დაცემიდან 28 წელი გავიდა. 

დმანისის მუნიციპალიტეტის თვითმმართველობის წარმომადგენლებმა, სოხუმის დაცემის 28 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით,   ქალაქ დმანისში არსებული ომში დაღუპული გმირთა მემორიალი გვირგვინით შეამკეს. 

არქიმანდრიტმა დიონისე გვიმრაძემ დაღუპულთა სულის  მოსახსენიებელი პანაშვიდი აღასრულა. 

სამხედრო დაპირისპირება აფხაზეთში 1992 წლის 14 აგვისტოს დაიწყო. საქართველოს ერთიანობისთვის აფხაზი სეპარატისტების, ჩრდილო- კავკასიელი კონფედერატების, კაზაკებისა და რუსული შენაერთების წინააღმდეგ ბრძოლა, 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა. ქართული მხარის მიერ, ამ დრომდე, დაუზუსტებელი მონაცემებით, 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა; 300 ათასი კი საკუთარ ქვეყანაში, დევნილად იქცა.