სიახლეების გამოწერა

დმანისის მუნიციპალიტეტის მერმა - კობა მურადაშვილმა სოციალურად დაუცველ ოჯახებს სადღესასწაულო საჩუქრები დმანისის მუნიციპალიტეტის თვითმმართველობის წარმომადგენლებთან ერთად გადასცა. ტკბილეულისგან შემდგარი სასაჩუქრე კალათა დმანისის მუნიციპალიტეტში მცხოვრებმა 55 - მა ოჯახმა მიიღო.

"თვითმმართველობის წარმომადგენლებთან ერთად პირადად მოვინახულე დმანისის მუნიციპალიტეტში მცხოვრები სოციალურად დაუცველი ოჯახი, მივულოცე დამდეგი ახალი წელი და მათ საჭიროებებს ადგილზე გავეცანი. ჩვენი ამოცანა სწორედ ასეთი ოჯახების გვერდით დგომა და მათი სოციალური პირობების გაუმჯობესებაა, მინდა თითოეულ მათგანს მივულოცო დამდეგი შობა-ახალი წელი, ჯანმრთელობა და დღეგრძელობა ვუსურვო. სოციალური კამპანია ერთჯერადი ხასიათის არ არის და მომავალშიც გაგრძელდება." განაცხადა დმანისის მუნიციპალიტეტის მერმა-კობა მურადაშვილმა.