სიახლეების გამოწერა

მიმდინარე წლის 24 ნოემბერს დმანისის მუნიციპალიტეტის გამგებელმა გოგი ბარბაქაძემ გამგეობის საკონფერენციო დარბაზში ეთნიკური უმცირესობის წარმომადგენელ ახალგაზრდებს უმასპინძლა. 
შეხვედრის მიმდინარეობისას ახალგაზრდებმა მუნიციპალიტეტის გამგებელს  გააცნეს თავიანთი მოსაზრებები დმანისის  განვითარების შესახებ. მხარეებმა დიალოგის რეჟიმში განიხილეს ეთნიკური უმცირესობების კიდევ უფრო მეტი ინტეგრაციის მიზნით განსახორციელებელი პროექტები და სამომავლოდ განსახილველ თემებზეც იმსჯელეს. 

სამუშაო შეხვედრა არასამთავრობო ორგანიზაცია „აზერბაიჯანელ ქალთა კავშირის“ ინიციატივით გაიმართა, რომლის წევრებმა წარმოადგინეს პროექტი სახელწოდებით „აქტიური მოქალაქე დემოკრატიის გარანტია“. პროექტი მიზნად ისახავს ეთნიკურად აზერბაიჯანელი ამომრჩევლის გააქტიურებას, საარჩევნო კულტურის ამაღლებას, სრულფასოვან ინტეგრაციას ქვეყნის საარჩევნო პროცესში და ჩართვას ადგილობრივი თვითმმართველობის საქმიანობაში.