სიახლეების გამოწერა

მიმდინარე წლის 7 დეკემბერს დმანისის მუნიციპალიტეტის ხელმძღვანელმა პირებმა შეზღუდული შესაძლებლობების მქონე პირებს დამხმარე ეტლებთან ერთად საკვები პროდუქტებიც გადასცეს. 
დმანისის მუნიციპალიტეტის გამგებელმა გოგი ბარბაქაძემ, საკრებულოს თავმჯდომარემ ლერი ბერუაშვილმა, გამგებლის მოადგილემ არიფ სულეიმანოვმა, გამგეობის ჯანმრთელობისა და სოციალური დაცვის სამსახურის უფროსმა მეგი ედიბერიძემ და გამგებლის წარმომადგენელმა ქალაქ დმანისის ადმინისტრაციულ ერთეულში ემზარ პეტრიაშვილმა პირადად მოინახულეს ქალაქ დმანისში ვაჟა ეზეიშვილის, სოფელ ბოსლებში გიორგი იასაღაშვილის, სოფელ ტნუსში რაგიმ კასიმოვის ოჯახები და გადასცეს გადაადგილებისათვის დამხმარე სავარძელ-ეტლებთი, ასევე საკვები პროდუქტები.
სავარძელ-ეტლები დმანისის მუნიციპალიტეტის ჯანმრთელობისა და სოციალური დაცვის სამსახურის კოორდინაციით მუნიციპალიტეტის გამგეობას გადმოსცა საერთაშორისო ასოციაციამ ,,საქართველოს ქალები მშვიდობისა და სიცოცხლისათვის“.
გამგეობის ჯანმრთელობისა და სოციალური დაცვის სამსახურის უფროსმა მეგი ედიბერიძემ შეზღუდული შესაძლებლობის მქონე პირებს ადგილზე მიაწოდა ინფორმაცია სავარძელ-ეტლის მორგების წესებზე.
საკვები პროდუქტები გადასცეს ასევე საქართველოს უსინათლოთა კავშირის დმანისის ფილიალის 27 წევრს.