სიახლეების გამოწერა

26 იანვრიდან დმანისის მუნიციპალიტეტის მერი, კობა მურადაშვილი, საკრებულოს თავმჯდომარე პაატა ყულიაშვილი და თვითმმართველობის წარმომადგენლები თითოეულ სოფელში, ადგილობრივი თემისთვის პრიორიტეტულ საპროექტო წინადადებებს მოსახლეობასთან ერთად განიხილავდნენ.

წყალი, გარე განათება, სკვერისა და სველი წერტილების, სანიაღვრე არხების მოწყობა, გზის მოხრეშვა - ეს ის ძირითადი საჭიროებებია, რომლებიც მოსახლეობის მხრიდან სოფლის საერთო კრებებზე ყველაზე ხშირად დასახელდა.

დმანისის მუნიციპალიტეტის მერის, კობა მურადაშვილის განცხადებით, 2023 წელს დმანისის მუნიციპალიტეტში „სოფლის მხარდაჭერის პროგრამით“, საქართველოს რეგიონებში განსახორციელებელი პროექტების ფონდიდან 686 000 ლარი დაიხარჯება, რომელსაც ადგილობრივი ბიუჯეტიდან გამოყოფილი თანხა დაემატება და თითოეულ სოფელში ის ინფრასტრუქტურული პროექტები განხორციელდება რომელიც მოსახლეობამ ხმათა უმრავლესობით გადაწყვიტა. შერჩეული პროექტები კი დასამტკიცებლად დმანისის მუნიციპალიტეტის საკრებულოს წარედგინება.