სიახლეების გამოწერა

6 მაისს, დმანისის მუნიციპალიტეტმა სასკოლო რაგბის ფესტივალს უმასპინძლა. სპორტული ღონისძიება, ქალაქ დმანისის ცენტრალურ სტადიონზე საქართველოს კულტურის, სპორტისა და ახალგაზრდობის სამინისტროს, რაგბის კავშირის და კლუბი ყოჩების ორგანიზებით გაიმართა.

ფესტივალში მონაწილეობა დმანისისა და ბოლნისის საჯარო სკოლებმა მიიღეს. ღონისძიების ბოლოს მათ წამახალისებელი პრიზები გადაეცათ.

"ფესტივალის მიზანს ახალგაზრდებში რაგბის, როგორც სპორტის სახეობის და ჯანსაღი ცხოვრების წესის პოპულარიზაცია წარმოადგენდა", ნათქვამია დმანისის მუნიციპალიტეტის მერის, კობა მურადაშვილის განცხადებაში.