სიახლეების გამოწერა

ფორუმი მიეძღვნა დმანისის მუნიციპალიტეტში მცხოვრები ხანდაზმულების პრობლემებსა და გამოწვევებს, რომლებსაც უფროსი თაობის წარმომადგენლები პირველადი ჯანდაცვისა და სოციალური მომსახურებებით სარგებლობის პროცესში აწყდებიან. დმანისში 2021 წლის ზაფხულში, ჩამოყალიბდა „მხარდაჭერის სახლი“, რომელიც უფროსი თაობის წარმომადგენლებს შინმოვლის პროფესიონალურ მომსახურებას პროექტის ფარგლებში უფასოდ უწევს.

ღონისძიებაში სხვადასხვა დარგის ექსპერტები, სახელმწიფო უწყების, არასამთავრობო და სამოქალაქო სექტორის წარმომადგენლები იღებდნენ მონაწილეობას.

პროექტი დაფინანსებულია ავსტრიის განვითარების სააგენტოს მიერ (ADA) და საქართველოში ხორციელდება Hilfswerk International-ისა და იძულებით გადაადგილებულ ქალთა ასოციაცია „თანხმობას“ მიერ, „საქართველოს სოციალურ მუშაკთა ასოციაციასა“ და „საქართველოს სტრატეგიული კვლევისა და განვითარების ცენტრთან“ ერთად.