სიახლეების გამოწერა

დმანისის მუნიციპალიტეტში ამოქმედდა ახალი სოციალური პროგრამა ,,თაობებს შორის ტექნოლოგიური ხიდი“

პროექტი ხორციელდება ევროკავშირის ფინანსური მხარდაჭერით CENN-ის მიმდინარე პროექტის „სამოქალაქო საზოგადოების გაძლიერება ინკლუზიური და მწვანე პოსტ-კოვიდ აღდგენისთვის“ ფარგლებში. პროექტის თანამონაწილეები არიან: დმანისის მერია, ა(ა)იპ ,,სათნოების სახლი“ და ,,მხარდაჭერის სახლი“.

პროექტის მიზანია შეიქმნას თაობათაშორისი ურთიერთმხარდაჭერის სოციალური სერვისი, რომელიც ხელს შეუწყობს მუნიციპალიტეტში მცხოვრებ ხანდაზმულებსა და სოციალურად დაუცველ მოზარდებს მათი სოციალიზაციის, ცოდნის და უნარების გაუმჯობესებას.

,,მხარდაჭერის სახლისა“ და ,,სათნოების სახლის“ ბენეფიციარებისათვის განხორციელდება ერთობლივი პროექტი, სადაც დაგეგმილია უფროსი თაობის რესოციალიზაცია და მათი აქტიური ცხოვრების ხელშეწყობა, ასევე მოზარდი თაობის ცოდნის გაღრმავება და მათი ტექნოლოგიური უნარ-ჩვევების გაძლიერება. პროექტი მოსახლეობის სხვადასხვა ასაკის და სოციალური ჯგუფის წარმომადგენლებისთვის, მუნიციპალიტეტის და სამოქალაქო ორგანიზაციის თანამშრომლობით, ქმნის მდგრად, ინოვაციურ სოციალურ მომსახურებას.

ბავშვთა დაცვის საერთაშორისო დღესთან დაკავშირებით, ა(ა)იპ ,,დმანისის სათნოების სახლში“ გაიმართა ღონისძიება, რომლის ფარგლებში ,,მხარდაჭერის სახლის“ ბენეფიციარებმა ა(ა)იპ სათნოების სახლის ბენეფიციარ ბავშვებს წარუდგინეს თეატრალური სპექტაკლი, მუსიკალური და გასართობი ნომრები. ღონისძიების ფარგლებში ბავშვებს გადაეცათ სიმბოლური საჩუქრები.