სიახლეების გამოწერა

დმანისის მუნიციპალიტეტში, მერიის ინიციატიცით, ტრადიციულად იფთარის ვახშამი გაიმართა

ღონისძიებაზე სიტყვით გამოვიდა დმანისის მუნიციპალიტეტის მერი, კობა მურადაშვილი, რომელმაც დმანისში მცხოვრებ მუსლიმ მოსახლეობას წმინდა თვე, რამაზანი მიულოცა.

მუსლიმებისთვის რამაზანის თვე სულიერად ამაღლების, ურთიერთდახმარების და ურთიერთპატივისცემის თვეა. ისინი განსაკუთრებული მონდომებით ასრულებენ ღვთისმსახურებას, იცავენ მარხვას, ზრუნავენ ავადმყოფებზე, ეხმარებიან ობლებს და უმწეოებს.

იფთარს ესწრებოდნენ ბოლნისის, დმანისის, თეთრიწყაროსა და წალკის დელეგატი საქართველოს პარლამენტში დავით შერაზადაშვილი, მუფტი, საქართველოს მუსლიმთა სამმართველოს შეიხის მოადგილე, შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენელი ანარ სულეიმანოვი, საკრებულოს თავმჯდომარე, პაატა ყულიაშვილი, საკრებულოს წევრები, მერის მოადგილეები, ადგილობრივი რელიგიური და სხვა ოფიციალური პირები.