სიახლეების გამოწერა

დმანისის მუნიციპალიტეტში, შუქრი ჩხეტიანის სახელობის ტურნირის ფინალური შეხვედრა გაიმართა, სადაც ერთმანეთს სოფელ ბოსლების და დიდი დმანისის გუნდები დაუპირისპირდნენ.

გამარჯვება სოფელ დიდი დმანისის გუნდმა მოიპოვა ანგარიშით 5:0.

ფინალურ შეხვედრას ესწრებოდნენ დმანისის მუნიციპალიტეტის თვითმმართველობის წარმომადგენლები და შუქრი ჩხეტიანის ოჯახის წევრები.

პირველ ადგილზე გასულ გუნდს გამარჯვება პირადად შუქრი ჩხეტიანის ძმამ, სლავა ჩხეტიანმა მიულოცა, მათ

გარდამავალი თასი, სიგელი, მედალი და ფეხბურთის ბურთი გადასცა. მეორე და მესამე ადგილზე გასულ გუნდებს კი, მერიის სახელით, ფეხბურთის ბურთი, მედალი და სიგელი გადაეცათ.

ღონისძიება დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურისა და ა(ა)იპ დმანისის ომარ მუმლაძის სახელობის სპორტული სკოლის მხარდაჭერით გაიმართა.