შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
საქართველოს აქტიურ აზერბაიჯანელ ქალთა ასოციაციის ინიციატივით, სამედიცინო ცენტრ „ლანცეტის“ და დმანისის მუნიციპალიტეტის თვითმმართველობის მხარდაჭერით 8 აპრილს დმანისის მუნიციპალიტეტის სოფელ კარაბულახის მოსახლეობას სამედიცინო-პროფილაქტიკური შემოწმება ჩაუტარდა.
უფასო გამოკვლევა გაიარა 100-ზე მეტმა ადამიანმა. სამედიცინო კონსულტაციები და გამოკვლევები ჩაატარეს მაღალკვალიფიციურმა სპეციალისტებმა სხვადასხვა მიმართულებით: თერაპია, კარდიოლოგია, ოფთალმოლოგია, ქირურგია, მეან-გინეკოლოგია და სხვა. უფასო კონსულტაციების მიღება ადგილობრივ მოსახლეობას მთელი დღის განმავლობაში შეეძლო.
,,აქციის სლოგანია ,,ჯანმრთელი ცხოვრება" და ანალოგიური სამედიცინო შემოწმება სხვა, ცენტრიდან მოშორებულ სოფლებშიც ჩატარდება" - აღნიშნა ასოციაციის თავმჯდომარემ გულია მუსტაფაევამ.
აღსანიშნავია, რომ აღნიშნული აქციის მიმდინარეობას მთელი დღის განმავლობაში თვალყურს ადევნებდა დმანისის მუნიციპალიტეტის ჯანმრთელობისა და სოციალური დაცვის სამსახურის უფროსი მეგი ედიბერიძე, კარაბულახის ადმინისტრაციულ ერთეულში გამგებლის წარმომადგენელი ქამანდარ მიქაილოვი და დეპუტატი ზულფიგარ მიქაილოვი.
