შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
მიმდინარე წლის 25 მაისს ქალაქ რუსთავში, BUSINESS GEORGIA-ს ორგანიზებით ქვემო ქართლის ბიზნეს ფორუმი გაიმართა, რომლის მთავარი მხარდამჭერი ქვემო ქართლის რეგიონული განვითარების სააგენტო და ქვემო ქართლში სახელმწიფო რწმუნებული-გუბერნატორის ადმინისტრაცია გახლდათ. ფორუმში მონაწილეობა დმანისის მუნიციპალიტეტის გამგებელმა გოგი ბარბაქაძემ მიიღო.
ფორუმის მონაწილეებმა ისაუბრებეს როგორც ბიზნესის კეთების შესაძლებლობებსა და რეგიონული განვითარების მნიშვნელობაზე, ასევე სახელმწიფოს როლის მნიშვნელობაზე ქვეყანაში ხელსაყრელი საინვესტიციო კლიმატის შექმნასთან დაკავშირებით.
ფორუმზე მიმოიხილეს რეგიონის განვითარების დინამიკა და ტენდენციები დარგობრივ ჭრილში, კერძოდ კი, სოფლის მეურნეობის, ტურიზმის, მრეწველობის, ვაჭრობისა და ინფრასტრუქტურის მიმართულებით.
რეგიონული ფორუმების სახით BUSINESS GEORGIA-ამ მიზნად დაისახა მთელი საქართველოს მასშტაბით განვითარების ხარისხის გაზრდა, ასევე ბიზნესმენების დაინტერესება იმ საინვესტიციო რესურსებით,რითაც საქართველოს თითოეული რეგიონი უხვად არის დაჯილდოებული.
