სიახლეების გამოწერა

მიმდინარე წლის 30 ივნისს ააიპ ,,დმანისის კულტურისა და ხელოვნების ცენტრის” საესტრადო სტუდია ახალი სახელწოდებით „მიქსი“ წარსდგა მაყურებლის წინაშე და ერთი ლამაზი საღამო აჩუქა მათ.

სცენაზე ერთმანეთს ენაცვლებოდნენ სხვადასხვა ასაკის შემსრულებლები, რომლებმაც ჟანრობრივი მრავალფეროვნებით  მოიწონეს თავი. კონცერტში სტუდიის აღსაზრდელებთან ერთად მონაწილეობა მიიღო სტუდიის ხელმძღვანელმა მარიამ ქოჩორაძემ.  საღამოს სიურპრიზების გარეშე არ ჩაუვლია. სტუდიის აღსაზრდელმა გოგა მურჯიკნელმა  სტუდიის ხელმძღვანელის  მარიამ ქოჩორაძისა და მუსიკალური გამფორმებლის ვასილ დაუთაშვილისაგან საჩუქრად მიიღო გიტარა. .,,თავისი ხელმძღვანელობის მოკლე დროში მარიამ ქოჩორაძემ თავისი აღსაზრდელების დიდი სიყვარული დაიმსახურა და საკმაოდ კარგ შედეგსაც მიაღწია.   დიდი მადლობა მარიამ ქოჩარაძეს , ააიპ ,,კულტურისა და ხელოვნების ცენტრის დირექტორს  - ქეთევან ჩხეტიანს და სამხატვრო ხელმძღვანელს - ზოია ბერუაშვილს ამ უჩვეულო საღამოსთვის’’ - ისაუბრა დმანისის მუნიციპალიტეტის გამგეობის განათლების კულტურის, სპორტისა და ახალგაზრდობის საქმეთა სამსახურის უფროსმა ეკატერინე ოქრიაშვილმა.