სიახლეების გამოწერა

8 აგვისტოს, ქალაქ დმანისში, რუსული აგრესიის შედეგად საქართველოს ერთიანობისათვის ბრძოლაში დაღუპული გმირების პატივსაცემად, დმანისის მუნიციპალიტეტის საკრებულოს და გამგეობის ხელმძღვანელმა პირებმა თანამშრომლებთან ერთად რუსეთ-საქართველოს ომში დაღუპული გმირების მემორიალი გვირგვინით შეამკეს, დაანთეს სანთლები და წუთიერი დუმილით პატივი მიაგეს დაღუპულთა ხსოვნას.

,,2008 წელს რუსეთის აგრესიის დროს საქართველომ 169 სამხედრო მოსამსახურე, 16 პოლიციელი და 188 მშვიდობიანი მოქალაქე დაკარგა.
მე ქედს ვიხრი ამ ომში დაღუპული თითოეული ჯარისკაცის, გმირი ვაჟკაცების წინაშე. მომავალ წელს ვისურვებდი განმთლიანებულ საქართველოს" - განაცხადა დმანისის მუნიციპალიტეტის გამგებელმა - გოგი ბარბაქაძემ.