სიახლეების გამოწერა

21 მარტს საქართველოში მცხოვრებ აზერბაიჯანელებს სახალხო დღესასწაული ,,ნოვრუზ ბაირამი” დმანისის მუნიციპალიტეტის მერმა გიორგი ტატუაშვილმა მარნეულის შემდეგ დმანისში გამართულ ღონისძიებაზე მიულოცა

ყოველი წლის 19 – 21 მარტს ქვემო ქართლში მცხოვრები აზერბაიჯანელი ხალხი ტრადიციულ დღესასწაულს ,,ნოვრუზ ბაირამს“ აღნიშნავს. მიმდინარე წლის 21 მარტს ქალაქ მარნეულში გაიმართა ღონისძიება, რომელიც ,,ნოვრუზ ბაირამის” - ახალი წლის დადგომას მიეძღვნა და ეს დღესასწაული ქვემო ქართლში მცხოვრებმა აზერბაიჯანელებმა ქალაქ მარნეულში გამართულ ღონისძიებაზე იზეიმეს. მარნეულის ცენტრალურ ქუჩაზე ქვემო ქართლის მუნიციპალიტეტებმა წარმოადგინეს აზერბაიჯანული ტრადიციული კუთხე და მოქალაქეებს გაუმასპინძლდნენ ჩაით და ტკბილეულით. მარნეულის შემდეგ ,,ნოვრუზ ბაირამის“ დღესასწაული გაგრძელდა დმანისში სოფელ ქვემო ოროზმანში.

მოეწყო მიმდებარე სოფლების კუთხეები, სადაც გამოიფინა სოფლის ნობათი, ტრადიციული ღონისძიების ფარგლებში სხვადასხვა სპორტული (დოღი, მკლავჭიდი, კროსი) და კულტურული (ეთნოგრაფიული კუთხის, სოფლის ნობათის და ბავშვთა ნამუშევრების გამოფენა, კონცერტი) ღონისძიებები გაიმართა. კონცერტი ადგილობრივი ძალებით, ა(აიპ) დმანისის კულტურისა და ხელოვნების ცენტრის სტუდიების და საჯარო სკოლების მოსწავლეების მონაწილეობით.

დმანისის მუნიციპალიტეტის მერმა გიორგი ტატუაშვვილმა კონცერტის მსვლელობისას სცენიდან მიულოცა საქართველოში მცხოვრებ აზერბაიჯანელებს სახალხო დღესასწაული და სიმბოლური ფასიანი საჩუქრები მათი ღვაწლისა და დამსახურებისთვის გადასცა რვა დმანისელ მოქალაქეს.