სიახლეების გამოწერა

ამ წუთებში დმანისის მუნიციპალიტეტის მერიის საკონფერენციო დარბაზში წითელი ჯვრის საზოგადოება მოხალისეებისათვის ატარებს ტრენინგს სახელწოდებით: "შაქრიანი დიაბეტის მართვის გაუმჯობესება ქვემო ქართლის რეგიონში". მოხალისეები პროექტის ფარგლებში განახორციელებენ კარდაკარ ვიზიტებს ადგილობრივ მოსახლეობაში, რისკ ჯგუფების გამოვლენის და მაღალი რისკის მქონე მოსახლეობის დასკრინინგების მიზნით. როგორც ტრენინგზე აღნიშნეს საქართველოში დიაბეტის რისკი მაღალია და ის არის დიაბეტის მძიმე ტვირთის მქონე ქვეყნებს შორის. სამწლიანი პროექტი, რომელიც 1 მარტიდან ამოქმედდა, გულისხმობს მეორე ტიპის დიაბეტის გამოვლენას, მართვის გაუმჯობესებას და სკრინინგს. პროექტის დასასრულს კი ჩატარდება დასკვნითი შეფასებითი კვლევა, რომელიც სამი წლის განმავლობაში ჩატარებული ღონისძიებების პროგრესს გამოავლენს.