სიახლეების გამოწერა

21 ივნისს ააიპ დმანისის კულტურისა და ხელოვნების ცენტრის დარბაზში, მორიგი შეხვედრა გაიმართა, სადაც საქართველოს შრომის, ჯანმრთელობის და სოციალური დაცვის სამინისტროს წარმომადგენლებმა დამსწრე საზოგადოებას ქვეყანაში მოქმედი ჯანდაცვის პროგრამების შესახებ მიაწოდეს ინფორმაცია. შეხვედრას დმანისის მუნიციპალიტეტის მერი გიორგი ტატუაშვილი, ქვემო ქართლში სახელმწიფო რწმუნებულის-გუბერნატორის მოადგილე ზაურ დარგალი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის წარმომადგენელი ქვემო ქართლში აიაზ მამედოვი ესწრებოდნენ. საინფორმაციო კამპანია ქვემო ქართლში სახელმწიფო რწმუნებულის - გუბერნატორის ინიციატივითა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპატარის მხარდაჭერით ხორციელდება.