სიახლეების გამოწერა

სასკოლო სპორტული ოლიმპიადის ფარგლებში, ქალაქ დმანისში გოგოებსა და ბიჭებს შორის მინი ფეხბურთი ჩატარდა. შეჯიბრში მონაწილეობდნენ დმანისის მუნიციპალიტეტის საჯარო სკოლის მოსწავლეები.გამარჯვებულ გუნდებს მუნიციპალიტეტის თვითმმართველობის სახელით თასები და სიგელები გადაეცათ.

დმანისის მუნიციპალიტეტის მერმა, კობა მურადაშვილმა ადმინისტრაციულ ერთეულებში მერის წარმომადგენლებთან სამუშაო შეხვედრა გამართა. სამუშაო შეხვედრის ფარგლებში კობა მურადაშვილმა ადმინისტრაციულ ერთეულებში არსებული პრობლემების შესახებ მოისმინა და წარმომადგენლებისგან ერთად მათი აღმოფხვრისათვის საჭირო ზომების მიღებაზე იმსჯელა. შეხვედრაზე, ასევე მუნიციპალიტეტში მიმდინარე ინფრასტრუქტურული პროექტები განიხილეს და განხორციელებული სამუშაოების შედეგებზე იმსჯელეს.

დღეს, მერიის საკონფერენციო დარბაზში, არასამთავრობო ორგანიზაცია CENN -ის წარმომადგენლებმა სამცხე ჯავახეთსა და ქვემო ქართლში არსებული სოციალური სერვისების საბაზისო კვლევის შედეგების საჯარო განხილვა გამართეს. სამოქალაქო საზოგადოების განვითარების პროექტის ფარგლებში, რომელსაც ახორციელებს CENN ევროკავშირის ფინანსური მხარდაჭერით, დმანისის მუნიციპალიტეტში შეიქმნა "პარტნიორთა ჯგუფი", რომელიც დაკომპლექტებულია თვითმმართველობისა და სამოქალაქო ორგანიზაციების წარმომადგენლებითა და აქტიური მოქალაქეებით.

დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზებით, სასკოლო სპორტული ოლიმპიადის ფარგლებში, დმანისის მუნიციპალიტეტის საჯარო სკოლებს შორის მუნიციპალური შეჯიბრი გაიმართა მაგიდის ჩოგბურთში. პირველ ადგილზე გავიდა სოფელ იაღუფლოს საჯარო სკოლა, მეორე ადგილზე ქალაქ დმანისის N1 საჯარო სკოლა, ხოლო მესამეზე სოფელ დიდი დმანისის საჯარო სკოლა. გამარჯვებულ სკოლებს დმანისის მუნიციპალიტეტის მერის მოადგილეებმა, თემური ზურაბიშვილმა და არიფ სულეიმანოვმა თასი და სიგელები გადასცეს.

სახალხო დამცველის აპარატის გენდერის დეპარტამენტისა და თანასწორობის დეპარტამენტის თანამშრომლებმა დმანისის მუნიციპალიტეტის ადგილობრივი თვითმმართველობის წარმომადგენლებისთვის „გენდერული თანასწორობისა და სექსუალური შევიწროების“ საკითხებზე ტრენინგი გამართეს. 

დმანისის მუნიციპალიტეტის მერმა, კობა მურადაშვილმა და საკრებულოს თავმჯდომარემ, პაატა ყულიაშვილმა, თვითმმართველობის წარმომადგენლებთან ერთად, ქალაქ დმანისში N2 ახლად რეაბილიტირებული საბავშვო ბაღი გახსნეს.

დმანისში, გენდერული თანასწორობის საბჭოს ორგანიზებით და დმანისის საგანმანათლებლო რესურსცენტრისა და საბიბლიოთეკო სამსახურის მხარდაჭერით, ცოცხალი მუსიკის თანხლებით, პოეზიის საღამო გაიმართა. ღონისძიებაში მონაწილეობა მიიღეს როგორც ადგილობრივმა, ისე ბოლნისის მუნიციპალიტეტიდან მოწვეულმა პოეტმა და ფილოლოგმა ქალებმა, რომლებმაც საკუთარი ლექსები წაიკითხეს და პოეზიის შესახებ ისაუბრეს. დასასრულს გენდერული საბჭოს წარმომადგენლებმა პოეტ ქალებს სიმბოლური საჩუქრები გადასცეს. ღონისძიებას დმანისის მუნიციპალიტეტის თვითმმართველობის ხელმძღვანელი პირები ესწრებოდნენ.

ხანდაზმულთა დღესთან დაკავშირებით, დმანისის მუნიციპალიტეტის მერიის მხარდაჭერით და ქალთა ასოციაცია ,,თანხმობისა” და “დმანისის მხარდაჭერის სახლის”ორგანიზებით ღონისძიება გაიმართა. ღონისძიებას ესწრებოდნენ დმანისის მუნიციპალიტეტის მერი, კობა მურადაშვილი, მოადგილესთან, თემური ზურაბიშვილთან და საკრებულოს თავმჯდომარესთან, პაატა ყულიაშვილთან ერთად, რომლებმაც დმანისის მხარდაჭერის სახლის დღის ცენტრის ბენეფიციარებს ხანდაზმულთა დღე მიულოცეს.

დღეს, ქალაქ დმანისში ფრენბურთის მუნიციპალური ტურნირი გაიმართა. ტურნირის გამარჯვებულია დმანისის მუნიციპალიტეტის მერიის გუნდი. გამარჯვებულ გუნდს მუნიციპალიტეტის სახელით ტურნირისთვის დაწესებული თასი და ფრენბურთის ბადე მერის მოადგილემ, თემურ ზურაბიშვილმა გადასცა. ასევე, მეორე და მესამე ადგილზე გასული გუნდები, მერის მოადგილემ, არიფ სულეიმანოვმა სიგელებითა და ფრენბურთის ბურთებით დააჯილდოვა.

დღეს, სასკოლო სპორტული ოლიმპიადის ფარგლებში, ქალაქ დმანისში ჩატარდა გეზრბენი (კროსი), რომელშიც მონაწილეობა მიიღეს დმანისელმა ახალგაზრდებმა. გამარჯვებულ გუნდებს დმანისის მუნიციპალიტეტის მერის მოადგილეებთან ერთად, დმანისის საგანმანათლებლო რესურსცენტრის ხელმძღვანელმა სიგელები და თასები გადასცა.

დმანისის მუნიციპალიტეტის მერმა, კობა მურადაშვილმა, დმანისის საგანმანათლებლო რესურსცენტრის ხელმძღვანელთან, მაია ხმალაძესთან ერთად, სოფელ ბოსლებისა და მაშავერას საჯარო სკოლიდან, დმანისის მუნიციპალიტეტის პედაგოგებს პროფესიული დღე მიულოცა.

ფორუმი ევროპის საბჭოს ადგილობრივ და რეგიონულ ხელისუფალთა კონგრესის პროექტის ორგანიზებით, საქართველოს ადგილობრივ თვითმმართველობათა ეროვნულ ასოციაციასთან (ათეა) თანამშრომლობით მოეწყო.

ქალაქ დმანისის ცენტრალურ სტადიონზე, სარაგბო კლუბი "ყოჩების" ადმინისტრაციის ორგანიზებით და დმანისის მუნიციპალიტეტის მერიის მხარდაჭერით, დმანისის, ბოლნისის და კაზრეთის "ყოჩების" ფესტივალი ჩატარდა.

"სასკოლო სპორტული ოლიმპიადა 2022-2023-ის“ გახსნასთან დაკავშირებით, დმანისის მუნიციპალიტეტის განათლების, კულტურის, სპორტისა და ახალგაზრდობის საქმეთა სამსახურის ორგანიზებით მინი ფეხბურთში  შეჯიბრი გაიმართა, რომელშიც მონაწილეობდნენ დმანისის საჯარო სკოლების V-VII კლასის მოსწავლები. გოგონებში გამარჯვება მოიპოვა სოფელ ბოსლების  სკოლის გუნდმა, ბიჭებში სოფელ განთიადის სკოლის გუნდმა. დმანისის მუნიციპალიტეტის მერის პირველმა მოადგილემ, კახა პეტრიაშვილმა, გამარჯვებულ გუნდებს თასი და ფეხბურთის ბურთი გადასცა.

დმანისის მუნიციპალიტეტის მერმა, კობა მურადაშვილმა, მერიისა და საკრებულოს წარმომადგენლებთან ერთად, ააიპ კულტურისა და ხელოვნების ცენტრის ახლადრეაბილიტირებული სარეპეტიციო დარბაზი გახსნა.

ჯანსაღი ცხოვრების პოპულარიზაციის მიზნით, დმანისის მუნიციპალიტეტის სოფელ საფარლოში, ხელოვნურსაფარიანი სპორტული მოედანი გაიხსნა. თანამედროვე სტანდარტებით მოწყობილი მოედანი აღჭურვილია შესაბამისი ინვენტარით. გახსნის ღონისძიებას, დმანისის მუნიციპალიტეტის მერი, კობა მურადაშვილი, მოადგილეებთან, თემური ზურაბიშვილთან, არიფ სულეიმანოვთან და საკრებულოს წევრებთან ერთად ესწრებოდა. ადგილობრივ ახალგაზრდებს, სიმბოლურად, ფეხბურთისა და კალათბურთის ბურთები დაურიგდათ. Ⴑპორტული მოედანი დმანისის მუნიციპალიტეტის ადგილობრივი ბიუჯეტის დაფინანსებით მოეწყო.

პროექტის "ახალგაზრდული სათათბიროების განვითარების"  ფარგლებში, რომელსაც გერმანელ პარტნიორ ორგანიზაციებთან ერთად ახორციელებს "ორგანიზაცია world vision საქართველო, ჰაგენის მუნიციპალიტეტის მერიის თანამშრომელი ახალგაზრდულ საკითხებში, ჰაგენის მუნიციპალიტეტის  ახალგაზრდული სათათბიროს წევრები  ხელმძღვანელთან და ახალგაზრდული მუშაკებთან ერთად სამუშაო ვიზიტით ესტუმრნენ დმანისის მუნიციპალიტეტს. 

დმანისის მუნიციპალიტეტის მერმა, კობა მურადაშვილმა მოადგილეებთან თემური ზურაბიშვილთან და არიფ სულეიმანოვთან ერთად, სოხუმის დაცემის 29 წლისთავთან დაკავშირებით და აფხაზეთის ომში დაღუპულთა ხსოვნის პატივსაცემად, საქართველოს ერთიანობისათვის ბრძოლაში დაღუპულთა მემორიალი გვირგვინით შეამკო.