სიახლეების გამოწერა

მიმდინარე წლის 4 იანვარს, დმანისის მუნიციპალიტეტის მერიის საკონფერენციო დარბაზში, დმანისის მუნიციპალიტეტის მერმა, გიორგი ტატუაშვლმა, ადმინისტრაციული ერთეულის წარმომადგენლებთან სამუშაო შეხვედრა გამართა.

შეხვედრაზე საუბარი შეეხებოდა, 2019 წლის სოფლის მხარდაჭერის პროგრამას.

წარმომადგენლებს მიეწოდათ დეტალური ინფორმაცია აღნიშული პროგრამის შესახებ, 

კერძოდ: ⤵️

➡️დმანისის მუნიციპალიტეტში პროგრამისთვის განსაზღვრული თანხის ოდენობა შეადგენს 343,000 ლარს. თანხა განაწილდება დასახლების ზომის მიხედვით:

• 200 კაცამდე _5 000 ლარი;

• 400 კაცამდე _6 000 ლარი;

•1 000 კაცამდე _8 000 ლარი;

•1 000 კაცზე მეტი _10 000 ლარი.

➡️პროექტების კატეგორიები განისაზღვრება ⤵️

➡️ სასმელი წყლის სისტემები (მათ შორის ჭაბურღილები, წყალსადენები, ჭა და ა.შ. გაწმენდებით), წყაროების მოპირკეთება;

➡️ სარწყავი სისტემები;

➡️ სანიაღვრე არხები;

➡️ ნაპირსამაგრი სამუშაოები;

➡️გზები;

➡️ ხიდები, ცხაურები, ხიდბოგირები, გადასასვლელები;

➡️ გარე განათება;

➡️ სკოლების მიმდებარე ტერიტორიის კეთილმოწყობა;

➡️ სკოლამდელი დაწესებულებები და შესაბამისი ინვენტარი;

➡️ამბულატორიის შენობები;

➡️ კულტურის ობიექტები; 

➡️ სპორტული ინფრასტრუქტურა, მოედნები და მოედნების ინვენტარი;

➡️ სკვერები და სველი წერტილები შესაბამისი ინვენტარით;

➡️წისქვილების რეაბილიტაცია და შესაბამისი ინვენტარი;

➡️ სასაფლაოს შემოღობვა;

➡️თავშეყრის ადგილები, მოსაცდელები;

➡️ მინიჰესები და შესაბამისი რეაბილიტაცია/აღდგენა.

აღსანიშნავია, რომ სოფლის მხარდაჭერის პროგრამით პროექტების შერჩევა ეფუძნება მოსახლეობის მიერ გადაწყვეტილების მიღების პრინციპს, რის გამოც, დასახლებებში გაიმართება საერთო კრებები, სხდომები ან კონსულტაციები მოსახლეობასთან, სადაც მოქალაქეები თავად მიიღებენ გადაწყვეტილებას განსახორიციელებლი პროექტების შერჩევის თაობაზე