დმანისის მუნიციპალიტეტში 9 აპრილის ტრაგედიის დროს დაღუპული გმირები გაიხსენეს

დმანისის მუნიციპალიტეტი

ოფიციალური ვებგვერდი

0360 22 24 64

ცხელი ხაზი

GEO|ENG|AZR

სიახლეები

დმანისის მუნიციპალიტეტში 9 აპრილის ტრაგედიის დროს დაღუპული გმირები გაიხსენეს

09 აპრ 2019

დმანისის მუნიციპალიტეტის მერმა გიორგი ტატუაშვილმა, მერიის თანამშრომლებთან, საკრებულოს დეპუტატებთან, საჯარო სკოლის პედაგოგებთან, მოსწავლეებთან და მოქალაქეებთან ერთად კულტურისა და დასვენების სკვერში არსებული საქართველოს ერთიანობისათვის ბრძოლაში დაღუპულ გმირთა მემორიალი გვირგვინით შეამკო და პატივი მიაგო დაღუპულთა ხსოვნას.დმანისის სიონის საკათედრო ტაძრის წინამძღვარმა არქიმანდრიტმა დიონისე გვიმრაძემ და მამა გიორგიმ 9 აპრილს დაღუპულთა სულის მოსახსენიებელი პანაშვიდი გადაიხადეს. დაინთო სანთლები.1989 წლის 9 აპრილის ტრაგედიიდან დღეს 30 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა. დარბევის შედეგად 21 ადამიანი დაიღუპა და პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა. 1991 წლის 9 აპრილს მაშინდელმა უზენაესმა საბჭომ ეს თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.