სიახლეების გამოწერა

დმანისის მუნიციპალიტეტში საქართველოს დამოუკიდებლობის დღისადმი მიძღვნილი კვირეული გრძელდება.

მიმდინარე წლის 23 მაისს, დმანისის მუნიციპალიტეტის მერიის განათლების, კულტურის სპორტისა და ახალგაზრდულ საქმეთა სამსახურის ორგანიზებით, ქალაქ დმანისში, გაიმართა ორი სპორტული აქტივობა ძიუდოსა და ფეხბურთში. შეჯიბრში მონაწილეობა მიიღეს ააიპ "ომარ მუმლაძის სახელობის სპორტული სკოლის" ფეხბურთისა და ძიუდოს წრის აღსაზრდელებმა. 

ფეხბურთი ჩატარდა ორ ასაკობრის კატეგორიაში, 2007-2009 და 2003-2006 წლებში დაბადებულებს შორის. გამარჯვებულ გუნდებს საჩუქრად ბურთი და მეკარის ხელთათმანები გადაეცათ.

ძიუდოს ტურნირი მოიცავდა 8 წონით კატეგორიას. გამარჯვებულები მედლებითა და სიგელებით, დმანისის მუნიციპალიტეტის მერის მოადგილე, არიფ სულეიმანოვა პირადად გადასცა.

საქართველოს დამოუკიდებლობის დღისადმი მიძღვნილი ღონისძიებები დასრულდება 26 მაისს გრანდიოზული კონცერტით.