სიახლეების გამოწერა

15 სექტემბერს თეთრიწყაროში საქართველოს კულტურული მემკვიდრეობის პირველი ფორუმი გაიმართა. სადაც დმანისის მუნიციპალიტეტმა, ქვემო ქართლის სხვა მუნიციპალიტეტებთან ერთად მიიღო მონაწილეობა.სპეციალურად შექმნილ სივრცეში ტრადიციული რეწვის და აგროსამრეწველო პროდუქტებთან ერთად ეთნოგრაფიული მასალებიც გამოიფინა.
ღონისძიებას ქვეყნის პრეზიდენტი სალომე ზურაბიშვილი, რეგიონის ხელმძღვანელ პირებთან, ქვემო ქართლის მუნიციპალიტეტების მაჟორიტარ – დეპუტატებთან, მერებთან და საკრებულოს თავმჯდომარეებთან ერთად დაესწრო.
ღონისძიებაზე „არემჯიმ“ სტუმრებს ოთხწლიანი პროგრამით გათვალისწინებული შვიდი ეროვნული მნიშვნელობის ძეგლის რეაბილიტაციის მიმდინარეობა გააცნო, რისთვისაც კომპანიას 2 მილიონამდე ლარი აქვს გამოყოფილი.
ფორუმის მიზანს წარმოადგენდა კულტურული მემკვიდრეობის ძეგლების დაცვისა და მოვლა-პატრონობის მხრივ საზოგადოების ცნობიერების ამაღლება და ჩართულობის გაზრდა. ასევე, ქართული ხუროთმოძღვრების ძეგლების მიმართ ბიზნეს სექტორის ინტერესის გააქტიურება.
მომავალში საქართველოს კულტურული მემკვიდრეობის ფორუმი ტრადიციულ სახეს მიიღებს და ქვეყნის ყველა რეგიონში მოეწყობა.