სიახლეების გამოწერა

ღია შეხვედრები, რომელიც მოსახლეობის საჭიროებების გამოვლენას ემსახურება დმანისის მუნიციპალიტეტში აქტიურად გრძელდება.

დმანისისა და წალკის მაჟორიტარი დეპუტატი კახაბერ ოქრიაშვილი, მუნიციპალიტეტის მერი გიორგი ტატუაშვილი, მერიის წარმომადგენლები და საკრებულოს წევრები ადგილობრივებთან შეხვედრებს მართავენ, სადაც მოსახლეობისთვის პრიორიტეტული საკითხები დიალოგის ფორმატში განიხილება. ამჯერად შეხვედრები დაგარახლოს, იფნარის კიზილაჯლოს,საჯის, ახალი და ძველი გოდაგდაგის მოსახლეობასთან გაიმართა.
კახაბერ ოქრიაშვილმა და ადგილობრივი ხელისუფლების წარმომადგენლებმა მოსახლეობის საჭიროებები პირადად მოისმინეს. შეხვედრაზე ხაზი გაესვა ინფრასტრუქტურის განვითარებისთვის განხორციელებულ და დაგეგმილ მასშტაბურ პროექტებს, რომლებიც მოსახლეობის მოთხოვნისა და საჭიროების შესაბამისად განხორციელდა, ან მომავლისთვისაა დაგეგმილი. აღსანიშნავია, რომ მსგავისი ტიპის შეხვედრების ციკლი დმანისის მუნიციპალიტეტში პერმანენტულ რეჟიმში გრძელდება.