სიახლეების გამოწერა

ა(ა)იპ ,,დმანისის მუნიციპალიტეტის სკოლამდელი აღზრდის სამსახურმა", მუნიციპალიტეტში მოქმედი ცხრა სკოლამდელი აღზრდის დაწესებულებისთვის ახალი საბავშვო ლიტერატურა და სათამაშოები შეიძინა.

 პატარებს, საჩუქრები დმანისის მუნიციპალიტეტის მერმა - გიორგი ტატუაშვილმა, მოადგილესთან, არიფ სულეიმანოვთან, ა(ა)იპ ,,დმანისის მუნიციპალიტეტის სკოლამდელი აღზრდის სამსახურის ხელმძღვანელთან, ნინო ოქრიაშვილთან, განათლების, კულტურის, სპორტისა და ახალგაზრდულ საქმეთა სამსახურის ხელმძღვანელთან - ნინო ომიაძესთან, დმანისის მუნიციპალიტეტის მერიისა და საკრებულოს წარმომადგენლებთან ერთად გადასცა.

"პატარებისათვის სკოლამდელი აღზრდის დაწესებულებაში სწავლა მნიშვნელოვანია, რადგან ისინი სკოლაში მისვლამდე სხვადასხვა უნარ ჩვევებს უნდა დაეუფლონ. ამიტომ ადგილობრივი ხელისუფლება სკოლამდელი აღზრდის დაწესებულებებში კომფორტული გარემოს შექმნისათვის მომავალშიც იზრუნებს, დმანისის მერიას საბავშვო ბაღების განვითარების კუთხით მრავალი საინტერესო გეგმა და პროექტი აქვს, შესაბამისად ბავშვებს და მათ მშობლებს ბევრი სასიამოვნო სიახლე ელით წინ. აღნიშნა დმანისისუნიციპალიტეტის მერმა - გიორგი ტატუაშვილმა.

დმანისის მუნიციპალიტეტში საბავშვო ბაღების აღსაზრდელებისთვის შესყიდული ახალი ლიტერატურა და სათამაშოები სტანდარტებს შეესაბამება და ჯანმრთელობისთვის უვნებელია.

შესყიდვისას გავითვალისწინებულ იქნა არსებული მეთოდოლოგიით განსაზღვრული თემატიკა და ასაკობრივი კატეგორიები.