სიახლეების გამოწერა

მიმდინარე წლის 23 ოქტომბერს პროექტ ,,საქართველოს მოხალისის" ფარგლებში ქალაქ დმანისის კულტურისა და ხელოვნების ცენტრში ,,ქვემო ქართლის მოხალისეების" ორგანიზებით გაიმართა ფესტივალი ,,ეთნოFest2016".  ფესტივალის მთავარ მიზანს წარმოადგენდა მოხალისეობის კულტურის პოპულარიზაცია ეთნიკურ უმცირესობებში.

ღონისძიების ფარგლებში წარმოდგენილი იქნა ქვემო ქართლში მცხოვრები ადგილობრივი და ეთნიკური უმცირესობების ტრადიციული სამზარეულო, რომლის დაგემოვნების საშუალებაც სურვილის მიხედვით ქონდა  დამსწრე საზოგადოებას.  ასევე მოეწყო ხელოვნების ნიმუშების გამოფენა. ღონისძიების მსვლელობისას გაიმართა კონცერტი ქვემო ქართლის სხვადასხვა მუნიციპალიტეტების ანსამბლების მონაწილეობით.
ფესტივალის მხარდამჭერები იყვნენ: სპორტისა და ახალგაზრდობის საქმეთა სამინისტრო, დმანისის მუნიციპალიტეტის გამგეობა, ააიპ დმანისის კულტურის და ხელოვნების ცენტრი,არასამთავრობო ორგანიზაციები: ,,პირველი ევროპელი“ და ,,ჰელფინგ ჰენდი".
პროექტს უმასპინძლა არასამთავრობო ორგანიზაცია ,,პირველ ევროპელმა".