სიახლეების გამოწერა

დმანისის მუნიციპალიტეტიში, კორონავირუსის პრევენციის მიზნით, სადენზიფექციო სამუშაოები აქტიურად მიმდინარეობს. დეზინფიცირება ჩაუტარდათ მუნიციპალიტეტში არსებულ დმანისის კულტურისა და ხელოვნების ცენტრს, სამუსიკო სკოლას, სათნოების სახლს, სპორტულ სკოლას, ასევე სკოლამდელი აღზრდის დაწესებულებებს.

პრემიერ-მინისტრის ხელმძღვანელობით შექმნილი საკოორდინაციო საბჭოს ფარგლებში უკვე ამოქმედებულია საკოორდინაციო სამუშაო ჯგუფები მხარის რწმუნებულების ხელმძღვანელობით. სამუშაო ჯგუფებს კოორდინაციას უწევს რეგიონული განვითარებისა და ინფრასტრუქტურის სამინისტრო და საქართველოს პრემიერ-მინისტრის მრჩეველი რეგიონული განვითარების საკითხებში სოზარ სუბარი. კორონავირუსთან დაკავშირებით შექმნილი უწყებათაშორისი საკოორდინაციო საბჭოს გადაწყვეტილებით, სასკოლო არდადეგები 9 მარტის ნაცვლად, 2 მარტიდან დაიწყო და 16 მარტამდე გაგრძელდება. ამ პერიოდის განმავლობაში, დმანისის მუნიციპალიტეტში არსებულ სასწავლო დაწესებულებებში, სადეზინფექციო სამუშაოები რამდენჯერმე კვლავ ჩატარდება.