სიახლეების გამოწერა

მიმდინარე წელს, დმანისის მუნიციპალიტეტში დაიწყო ერთ ერთ უნიშვნელოვანესი პროექტის განხორციელება, კერძოდ,  სკოლამდელი აღზრდის  დაწესებულებების რეაბილიტაციას.

ამ ეტაპისთვის, დმანისის მუნიციპალიტეტის N1, N2 და სოფელ - განთიადისა და ჯავახის საბავშვო ბაღებში სამუშაოები  აქტიურად მიმდინარეობს.

რეაბილიტაციასთან ერთად საქვაბის ფართის მიშენების სამუშაოები სოფელ: ბოსლების, გომარეთის, მაშავერის, სარკინეთის, ასევე ქალაქ დმანისში ვაჟა ფშაველას ქუჩაზე მდებარე ბაღში გახორციელდება.

პროექტი, რომლის ღირებულება 2092663 ლარია, ცენტრალური და ადგილობრივი ბიუჯეტის დაფინანსებით ხორციელდება. პროექტის ფარგლებში მოეწყობა ცენტრალური გათბობა, სააღმზრდელო ოთახები, საძინებლები, სამზარეულო და სველი წერტილები. აღნიშნულ პროექტს ექნება დადებითი ზემოქმედება სოციალურ გარემოზე. ადგილობრივი მოსახლეობა უზრუნველყოფილი იქნება თანამედროვე სტანდარტების მქონე საბავშვო ბაღის შენობებით, რაც გამოიწვევს აღსაზრდელებისა და პედაგოგების პირობების მნიშვნელოვან გაუმჯობესებას.

აღსანიშნავია, რომ მიმდინარე წელს, ააიპ "დმანისის მუნიციპალიტეტის სკოლამდელი აღზრდის სამსახურის" მართვაში 9 სკოლამდელი აღზრდის დაწესებულებას, სამზარეულოს ტექნიკა, კერძოდ, 10 ერთეული ელექტრო ქურის შესაბამისი ღუმელები გადაეცათ, რისთვისაც ადგილობრივი ბიუჯეტიდან 38 633 ლარი დაიხარჯდა.