სიახლეების გამოწერა

1 მარტს, ქალაქ დმანისის N1 ახლადრეაბილიტირებულ საბავშო ბაღში სასწავლო პროცესი განახლდა.

ახლადრეაბილიტირებული სკოლამდელი აღზრდის დაწესებულება, დმანისის მერმა გიორგი ტატუაშვილმა და ქვემო ქართლის რწმუნებულთან შოთა რეხვიაშვილთან ერთად მოინახულა და აღსაზრდელებს და ბაღის თანამშრომლებს შეხვდა.

გახსნას ესწრებოდნენ დმანისის მუნიციპალიტეტის მერიისა, საკრებულოს წარმომადგენლები, ასევე ბოლნისის, დმანისის, თეთრიწყაროსა და წალკის მაჟორიტარი დეპუტატი.

" სასწავლო პროცესი ჩვენმა პატარებმა სრულიად რეაბილიტირებულ საბავშვო ბაღში დაიწყეს, რაც მათ ძალიან უხარიათ, როგორც დმანისის მერი აღნიშნავს, დმანისის მუნიციპალიტეტი დიდ ყურადღებას აქცევს სკოლამდელ აღზრდას, საბავშვო ბაღების რეაბილიტაციას კორონავირუსის პანდემიის მიუხედავად, COVID19-ის პრევენციის მიზნით გაცემული რეკომენდაციების დაცვით ვახორციელებთ. მთავრია ჩვენი პატარები რეაბილიტირებულ და მოწესრიგებულ გარემოში გააგრძელებენ სასწავლო პროცესს.

პროექტი, რომლის ღირებულება 489912 ლარია, ცენტრალური და ადგილობრივი ბიუჯეტის დაფინანსებით განხორციელდა.

პროექტის ფარგლებში რეაბილიტირდა შენობა, შეიცვალა ძველი ელექტრო, საკანალიზაციო და წყლის სისტემა, მოეწყო სველი წერტილები, ცენტრალური გათბობა, სააღმზრდელო ოთახები, საძინებლები, სამზარეულო და სველი წერტილები. ეზოში დამონტაჟდა ატრაქციონები.

აღნიშნულ პროექტს ექნება დადებითი ზემოქმედება სოციალურ გარემოზე. ადგილობრივი მოსახლეობა უზრუნველყოფილი იქნება თანამედროვე სტანდარტების მქონე საბავშვო ბაღის შენობებით რაც გამოიწვევს აღსაზრდელებისა და პედაგოგების პირობების მნიშვნელოვან გაუმჯობესებას" - განაცხადა დმანისის მუნიციპალიტეტის მერმა გიორგი ტატუაშვილმა.