სიახლეების გამოწერა

დღეს, დმანისის მუნიციპალიტეტში ვაქცინაციის წამახალისებელი შეხვედრა სოფელ გომარეთში გაიმართა, რომელსაც ახლომდებარე სოფლების: სარკინეთის, განახლების, ველისპირის, მამულოსა და ქციას მოსახლეობა შემოუერთდა და კოვიდსაწინააღმდეგო აცრა 65 - მა მოქალაქემ გაიკეთა. მოსახლეობის კომფორტული ვაქცინაციისთვის დმანისის მუნიციპალიტეტში, თბილისიდან სრულიად აღჭურვილი მოძრავი ამბულატორია კვალიფიციური მედ პერსონალით ჩამოვიდა. აღნიშნული შეხვედრის პარალერულად, ამავე დღეს სოფელ ირგანჩაიში საინფომაციო შეხვედრა გაიმართა. მოსახლეობასთან მსგავსი ტიპის შეხვედრები 28 იანვარს ზემო კარაბულახში, იფნარსა და კამარლოშია დაგეგმილი. ვაქცინაციის წამახალისებელი შეხვედრები USAIDI - ის Zinc Network - ისა და საქართველოს მთავრობის ორგანიზებით და დმანისის მუნიციპალიტეტის მერიის მხარდაჭერით ხორციელდება.