სიახლეების გამოწერა

დმანისის მუნიციპალიტეტში, სოფლის მხარდაჭერის პროგრამის ფარგლებში, პრიორიტეტების გამოვლენის მიზნით, მოსახლეობასთან შეხვედრები იწყება. აღნიშნულ საკითხთან დაკავშირებით, დღეს, დმანისის მუნიციპალიტეტის მერმა, კობა მურადაშვილმა, ადმინისტრაციულ ერთეულებში წარმომადგენლებთან სამუშაო შეხვედრა გამართა. შეხვედრას ესწრებოდნენ: დმანისის მუნიციპალიტეტის საკრებულოს თავმჯდომარე პაატა ყულიაშვილი და მერის მოადგილეები: კახა პეტრიაშვილი და თემური ზურაბიშვილი. ,,სოფლის მხარდაჭერის პროგრამის ფარგლებში განსახორციელებელი პროექტების შერჩევის მიზნით მოსახლეობასთან შეხვედრებს ვიწყებთ. პირადად მათგან მოვისმენთ იმ საჭიროებებს, რაც ჩვენი მოქალაქეებისწინაშე დგას. მნიშვნელოვანია ის ფაქტი, რომ მოსახლეობა გადაწყვეტილების მიღების პროცესში აქტიურად იქნება ჩართული და ჩვენ მათთან ერთად მუნიციპალიტეტის განვითარებას მაქსიმალურად შევუწყობთ ხელს", განაცხადა დმანისის მუნიციპალიტეტის მერმა, კობა მურადაშვილმა.