სიახლეების გამოწერა

სახალხო დღესასწაული ადგილობრივ მოსახლეობას პირადად მიულოცა ქვემო ქართლში სახელმწიფო რწმუნებულმა გიორგი დოხტურიშვილმა, დმანისის მუნიციპალიტეტის მერმა კობა მურადაშვილმა, საკრებულოს თავმჯდომარემ პაატა ყულიაშვილმა, დმანისისა და აგარაკ-ტაშირის პროტოსინგელოსმა არქიმანდრიტ დიონისე გვიმრაძემ და ადგილობრივი ხელისუფლების სხვა წარმომადგენლებმა. გომარეთის კულტურის სახლთან ადგილობრივი და მოწვეული შემსრულებლების მიერ ღონისძიება გაიმართა. პარალელურად მოეწყო ბავშვთა ,,ხატვისა და ხალხური რეწვის“ ნამუშევრების გამოფენა. ასევე გამოიფინა ხელნაკეთი ნივთები, თიხის ჭურჭელი, თექის ნამუშევრები და ნაქსოვი აქსესუარები. სპორტულ აქტივობებში გამარჯვებულებს კი მერიის სახელით გადაეცათ სიმბოლური პრიზები. სოფელი გომარეთი ქვემო ქართლის რეგიონის ერთი-ერთი უძველესი ქართული სოფელია, რომელიც ქართული ეკლესია-მონასტრების სიმრავლით გამოირჩევა. აღსანიშნავია, რომ გომარეთობა უკვე მრავალი წელია დმანისისა და აგარაკ-ტაშირის პროტოსინგელოსის არქიმანდრიტ დიონისე გვიმრაძის ინიციატივით აღინიშნება.