სიახლეების გამოწერა

საქართველოს ეკოლოგიურ მიწათმოქმედთა ასოციაცია ,,სემა” პოლონელ პარტნიორებთან ერთად, დმანისის მუნიციპალიტეტში ახორციელებს პროექტს ,,სოფლის ტურიზმის განვითარების ხელშეწყობა, ადგილობრივი ტურისტული პროდუქტების ინოვაციური მოდელის განხორციელების გზით. პროექტის ფარგლებში, მიმდინარე წლის 17-22 ნოემბერს, სასწავლო ვიზიტით, დმანისის მუნიციპალიტეტის განათლების კულტურის, სპორტისა და ახალგაზრდობის საქმეთა სამსახურის ხელმძღვანელი და ა(ა) იპ დმანისის კულტურისა და ხელოვნების ცენტრის დირექტორი, ადგილობრივ ფერმერებთან/მეწარმეებთან ერთად, იმყოფებოდნენ პოლონეთში, პოდლასის სავოევოდოში.

დელეგაციის წევრები შეხვდნენ პოდლასის სავოევოდოს მარშალსა და UMWP-ის წარმომადგენლებს, რომლებიც პასუხისმგებელნი არიან ტურიზმსა და ადგილობრივ პროდუქტზე და მონაწილეობა მიიღეს აგროტურიზმის სფეროში ჩართულ მეწარმეთა მიერ ორგანიზებულ მასტერკლასებში. პროექტის მიზანია დმანისის რეგიონის მხარდაჭერა რეგიონული ტურიზმისა და ადგილობრივი პროდუქტის განვითარებაში, პოდლასკის საუკეთესო პრაქტიკების გაზიარება, გაცნობის გზით.