სიახლეების გამოწერა

20 სექტემბერს, დმანისში, სახალხო დღესასწაული „დმანისობა“ გაიმართა. ღონისძიება ადგილობრივ მოსახლეობას საქართველოს ცენტრალური და ადგილობრივი ხელისუფლების წარმომადგენლებმა პირადად მიულოცეს.

მთელი დღის განმავლობაში, სტუმრებს შესაძლებლობა ჰქონდათ მონაწილეობა მიეღოთ სხვადასხვა კულტურულ-შემეცნებით პროგრამაში.

განსაკუთრებული ინტერესი ეთნო-გასტრონომიულმა კუთხეებმა გამოიწვია, სადაც დამთვალიერებელს ადგილობრივი კერძების დაგემოვნება შეეძლო. გაიმართა მეწარმეთა გამოფენა-გაყიდვა, რაც მნიშვნელოვანია მუნიციპალიტეტის ეკონომიკური და ტურისტული პოტენციალის წარმოჩენისთვის.

​დღესასწაული დატვირთული იყო სპორტული აქტივობებითაც. გაიმართა საპატიო დმანისელების და პედაგოგების დაჯილდოების ცერემონია, გაიხსნა ჯუმბერ კოპალიანის ვარსკვლავი და საღამო დასრულდა „ქართული ხმების“ კონცერტით.