სიახლეების გამოწერა

დმანისის მუნიციპალიტეტში, კერძოდ სოფელ განთიადში, რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, მერიის მხარდაჭერით, 120 მოსწავლეზე გათვლილი საჯარო სკოლის მშენებლობას ახორციელებს.

​მიმდინარე სამუშაოები ადგილზე ინფრასტრუქტურის მინისტრმა, რევაზ სოხაძემ, დმანისის მუნიციპალიტეტის მერთან, კობა მურადაშვილთან და საკრებულოს თავმჯდომარე პაატა ყულიაშვილთან ერთად დაათვალიერა.

​პროექტი სრულად ფინანსდება საქართველოს მთავრობის მიერ. ახალი სასწავლო დაწესებულება თანამედროვე სტანდარტების შესაბამისად არის დაპროექტებული და მოიცავს ყველა საჭირო რესურსს ხარისხიანი განათლებისთვის.

​„საგანმანათლებლო ინფრასტრუქტურის განვითარება ახალგაზრდა თაობას ჯანსაღი და თანამედროვე სტანდარტებზე გათვლილი სასწავლო გარემოს შექმნის შესაძლებლობას აძლევს“, განაცხადა დმანისის მუნიციპალიტეტის მერმა, კობა მურადაშვილის განცხადებაში.