სიახლეების გამოწერა

დმანისში სკრინინგის აქცია გაიმართა

1 ივლისს, 10:00-დან 18:00 საათამდე, ა(ა)იპ „დმანისის საზოგადოებრივი ჯანდაცვის ცენტრის“ მიმდებარე ტერიტორიაზე, დაავადებათა კონტროლისა და საზოგადოებრივი ჯანმრთელობის ეროვნული ცენტრი-ის ორგანიზებით, დმანისის მუნიციპალიტეტის მერიის მხარდაჭერითა და ა(ა)იპ „დმანისის საზოგადოებრივი ჯანდაცვის ცენტრის“ ხელშეწყობით, მოსახლეობისთვის უფასო სკრინინგის აქცია გაიმართა.

აქციის ფარგლებში მოქალაქეებს შესაძლებლობა ჰქონდათ ესარგებლათ შემდეგი სამედიცინო მომსახურებებით:

* მკერდის კიბოს სკრინინგი – 40-70 წლის ჩათვლით ასაკის ქალებისთვის, რომელიც მოიცავდა:

* მამოლოგის მიერ მკერდის ფიზიკურ გასინჯვას;

* მამოგრაფიულ გამოკვლევას სტანდარტულ (პირდაპირ და ირიბ) პროექციაში.

* საშვილოსნოს ყელის კიბოს სკრინინგი – 25-60 წლის ჩათვლით ასაკის ქალებისთვის.

სკრინინგის პარალელურად, მსურველებს ასევე შეეძლოთ უფასოდ შეემოწმებინათ შემდეგი ინფექციები:

* B ჰეპატიტი (HBV);

* C ჰეპატიტი (HCV);

* აივ ინფექცია (HIV/AIDS).

დმანისის მუნიციპალიტეტის მერია მომავალშიც განაგრძობს მოსახლეობის ჯანმრთელობის ხელშეწყობისკენ მიმართული პრევენციული ღონისძიებების მხარდაჭერას, რათა ადგილობრივ მოსახლეობას ხარისხიან სამედიცინო სერვისებზე ხელმისაწვდომობა კიდევ უფრო მეტად გაეზარდოს.