სიახლეების გამოწერა

ნატალია კვანტალიანის სახელობის სისხლის ცენტრალური ბანკის ექიმების განმარტებით სისხლის დონაცია უსაფრთხო პროცესია. გარდა რეციპიენტისა, სარგებელს სისხლის დონორიც იღებს, რადგან სისხლის გაცემის პროცესი სისხლში ახალი უჯრედების წარმოქმნას უწყობს ხელს, რის შედეგად სისხლი ახალგაზრდავდება. დონორთა მიერ ჩაბარებულ სისხლს კომპლექსური ანალიზატორების წყალობით, ფართო სპექტრის, მაღალი ხარისხის გამოკვლევები უტარდება.
აქციის პარალერულად ააიპ კულტურისა და ხელოვნების ცენტრის ორგანიზებით დმანისელი შეზღუდული შესაძლებლობის სტატუსის მქონე ბავშვებისათვის გაიმართა კულტურული ღონისძიება.

ღონისძიებას შემოუერთდნენ გაზეთ ინტერნაციონალის რედაქტორი ნინო შალამბერიძე და რუსეთის კინოსა და თეატრის ვარსკვლავები - ფილმ ,, იგრა"-ს მთავარი როლის შემსრულებელი პაველ ბარშაკი და ირინა ვალცი.
ღონისძიებას ესწრებოდა ,,სოკარის წარმომადგენლობა საქართველოში" წარმომადგენელი ორხან გასანოვი, რომელმაც ბავშვებს კომპანიის სახელით გადასცა საჩუქრები.

ღონისძიების ბოლოს სტუმრებმა დაათვალიერეს დმანისის საექსპოზიციო დარბაზი და ნაქალაქარი.