სიახლეების გამოწერა

11 საათზე დარბაზში გაიმართა თეატრალიზებული კონცერტი, რომელშიც მონაწილეობა მიიღო ცენტრთან არსებულმა ყველა სტუდიამ.

მაყურებლის წინაშე თავისი შემოქმედება წარმოაჩინა:
ვაჟთა ანსამბლმა „შგარიდა“; ქალთა ანსამბლმა“ირინოლა“; ინტერნაციონალურმა ანსამბლმა ,,დმანისური აისი“; ბავშვთა ფოლკლორულმა ანსამბლმა ,,კიდევაც დაიზრდებიან", ბავშვთა ქორეოგრაფიულმა ანსამბლმა ,,კიდევაც დაიზრდებიან“; საესტრადო სტუდიის მომღერლებმა და სამეჯლისო და სპორტული ცეკვების სტუდიის ,,დანსი“ აღსაზრდელებმა.

ღონისძიების მსვლელობისას ისაუბრეს შოთა რუსთაველის უკვდავი პოემის „ვეფხისტყაოსნის“ შესახებ და წაკითხულ იქნა ციტატები, რომელიც არაერთგზის გვსმენია და მაინც ახალია. საგამოფენო კუთხე, რომელიც ამ თემატიკით იყო დატვირთული წარმოდგენილი იყო ხატვის სტუდიის ნახატებით.

ღონისძიებას დაესწრნენ და საზოგადოებას ეს მნიშვნელოვანი დღესასწაული მიულოცეს როგორც ადგილობრივი ხელისუფლების წარმომადგენლებმა, ასევე
ქვემო ქართლში სახელმწიფო რწმუნებულ-გუბერნატორის ადმინისტრაციაში - ადგილობრივი თვითმმართველობის ორგანოებთან ურთიერთობის სამსახურის უფროსმა დავით ასათიანმა და ამავე სამსახურის უფროსის მოდგილემ სოსო პირველმა.