სიახლეების გამოწერა

ღონისძიება სპორტული შეჯიბრებებით დაიწყო. გაიმართა დოღი, მკლავჭიდი. მოეწყო ჭადრაკის ტური. ძიუდოს საწვრთნელ დარბაზში ჩატარდა საჩვენებელი ვარჯიში.

გამართული ასპარეზობების დროს გამოვლინდნენ გამარჯვებულები დოღში და მკლავჭიდში, რომელთაც მუნიციპალიტეტის ხელმძღვანელმა პირებმა ფასიანი საჩუქრები გადასცეს.
სპორტული ღონისძიებების შემდეგ, სოფლის ცენტრში არსებულ დარბაზში, ააიპ დმანისის კულტურისა და ხელოვნების ცენტრის და გომარეთის ფილიალის აღსაზრდელების მონაწილეობით ჩატარდა კონცერტი. მაყურებლების წინაშე წარსდგნენ: ბავშვთა ფოლკლორული ანსამბლი „კიდევაც დაიზრდებიან“, ქორეოგრაფიული ანსამბლი ,,ქციელები“ და საესტრადო სტუდიის ბავშვები.

დამსწრე საზოგადოებამ დაათვალიერა საგამოფენო კუთხე, სადაც წარმოდგენილი იყო ხატვის, რეწვის წრეების ბავშვთა ნამუშევრები და ეთნოგრაფიული მასალა.
ღონისძიების ორგანიზატორი იყო ააიპ დმანისის კულტურისა დახელოვნების ცენტრი, მხარდამჭერები - დმანისის მუნიციპალიტეტის ადგილობრივი თვითმმართველობა და ააიპ დმანისის ომარ მუმლაძის სახელობის სპორტული სკოლა.

გომარეთობა უკვე 11 წელია აღინიშნება. ადგილობრივები ამ დღეს ტრადიციულად სულთმოფენობის დღესასწაულზე ზეიმობენ.